Nderohet De Rada në 200
vjetorin e tij, shpallen aktivitetet

“Fryu erë e malit dhe rrëzoi hijen e lisit“ 
Gjithë bota kishte ndërruar, ujë të rri në dete
Ai … shkoi me hijen e shpisë në zemër“
 
De Rada është Rilindasi i parë dhe madhor i kësaj lëvizjeje të ndritur intelektuale dhe patriotike dhe po ashtu De Rada është edhe Babai i poezisë shqipe. “De Rada është identifikuar në zemrat dhe mendjet e mijëra e mijëra lexuesve me imazhin dhe karakterin e Milosaos, personazhit më të famshëm dhe më mbresëlënës të letërsisë shqipe. …Ndaj sot gjej rast t’u them të rinjve si lexuese, si pedagoge, si minister ‘Lexojeni De Radën, Lexojeni Milosaon.’

 Këto janë fjalët që kanë nisur aktivitetet Ministrja e Kultures Kumbaro, duke nderuar De Radën dje në diten nderkombetare te librit. De Rada është kujtuar në aktivitetin e  organizuar nga Fakulteti i Historise dhe Filologjise, në të cilin, studentët inskenuan "Këngët e Milosaos" dhe interpretuan në gjuhën arbëreshe. Në këtë aktivitet Ministria e Kulturës shpalli edhe aktivitetet në nder të 200-vjetorit të lindjes së De Rades, i shpallur edhe viti i De Rades, të cilat janë :
 
Botimi i veprës së plotë me komentare nga prof Altimari dhe Mandala

Shpallja e konkursit kombëtar për të rinj të esesë ‘Unë, Milosao’

Promovimi i monografisë së mirënjohur të Prof. Arshi Pipës për Jeronim De Radën botuar nga Shtëpia botuese ‘Princi’ 

Konferenca shkencore në Universitetin e Shkodrës më datën 3 qershor

Konferenca në Universitetin e Elbasanit më datat 4-5 qershor

Konferenca e organizuar nga Katedra e Shqipes në Universitetin e Munich-ut në qytetin e Pogradecit më datat 5-7 qershor

Konferenca shkencore me rastin e botimit të dy veprave të Eqerem Çabejit me tema arbëreshe, si dhe promovimi i tyre ne auditoret e Universitetit Eqerem Çabej

Akademia e Shkencave të Shqipërisë së bashku me Akademinë e Prishtinës dhe do të organizojnë një konferencë shkencore më nëntor. Dhe një sërë aktivitetesh të tjera që janë ende në ngjizje e sipër.

TAG:
• akademia e shkencave