Vetting në polici vetëm për 'shefat', Sindikata përshëndet vendimin: I drejtë! Punonjësit e thjeshtë i heton SHÇBA, korrupsioni problematik te 'të mëdhenjtë'

Ndërprerja e vetting-ut për punonjësit e thjeshtë të Policisë së Shtetit konsiderohet e drejtë nga pjesa më e madhe e tyre. Në filtër do të jenë vetëm ata që do të marrin poste të larta në polici. Ministria e Brendshme sheh të arsyeshme se gradat e ulëta nuk kanë nevojë të filtrohen. Sipas kreut të Sindikatës së Policisë, Sadedin Fishta, ky ishte gabimi i parë që u bë që në fillim me miratimin e ligjit, i cili çoi në vonesa të shumta, deri në anulim.

 “U rikthyen edhe njëherë tek ato kritikat që kemi bërë ne që në daljen e ligjit për vetting-un. Që atëherë parashikuam që personali i policisë i nivelit zbatues nuk duhet të merrte pjesë. Numri relativisht i lartë dhe natyrisht do të angazhoheshin shumë struktura për të kaluar këtë personel”, thotë Fishta.

Fishta konsideron se vetting-u tek drejtuesit duhet të vazhdojë pasi efekti i korrupsionit tek ata është shumë më i lartë se tek punonjësit e nivelit zbatues.

 “Korrupsioni në nivele të ulëta normalisht është më i ulët se në nivelet e larta. Edhe pasoja që sjell një korrupsion në nivel të ulët me atë të një drejtuesi policie në nivel të lartë. Me hyrjen e vetting-ut patjetër u krijua një presion tek punonjësit e policisë, sidomos tek ata të nivelit zbatues”, deklaroi Fishta.

Hetimi për të gjitha rastet e dyshimta të shpërdorimit të detyrës tek punonjësit e nivelit zbatues mund të bëhet nga SHÇBA-ja, strukturë e cila në njëfarë mënyre pastron rastet e shkeljes së ligjit nga policët.

 “Vetë strukturat e Shërbimit për Çështjet e Brendshme dhe Ankesave të Ministrisë së Brendshme kanë pasur detyra funksionale në lidhje me hetimin e rasteve kur një punonjës policie shkel ligjin. Kjo strukturë ka ekzistuar dhe ka pasur të gjitha mundësitë të hetoj e të marrë masa”, përfundoi drejtuesi i Sindikatës së Policisë së Shtetit.

Me ndryshimin së shpejti të SHÇBA-së në Agjenci të Mbikëqyrjes Policore rriten përgjegjësitë, ndërsa synohet hetim më i thelluar për të gjitha rastet e korrupsionit dhe shpërdorimit të detyrës në polici. Puna e AMP-së në këtë drejtim eviton vetting-un për punonjësit e thjeshtë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • eli: 07/02/2022 11:34

    VETINGUT NE POLICI JEPINI MBESHTETJE SERIOZE DHE TE VAZHDOJE FUQISHEM ATA NJERES QE SOT QE BEJNE VETTINGUN ,JANE TE PA MBESHTETUR S

    Përgjigju
  • Bilo pilafi: 06/02/2022 22:33

    Vazhdon akoma ky Sadetini????? Booo. E dini ju qe punonjesve te policise ju mbahen kuota mujore per gjoja "sindikaten". Inekzistent fare.

    Përgjigju
    • Turpi më I madh!: 07/02/2022 00:32

      Mbahen 500 ALL në muaj për polic. Dhe kjo pa konsensus. Janë 12.000 polic për 500 Lekë në muaj, bëjnë 6.000.000 Lekë. Ky zotëria merr 6 milionë lekë të rrinjë ose 60 milionë lekë të vjeter. Shifra për skandalë mediatik. Llogarinë për 12 muaj bejeni vetë.

  • Agjenti: 06/02/2022 20:53

    Po ca thua se i ke ktu te 2 me nga 10 hyrje ene hotele. Dhe ca eshte thjesht agjent krimesh.

    Përgjigju
  • behar: 06/02/2022 18:34

    bejeni vetingun shqiponjave te Shkodres se jane bere te pa prekshem duke ju marr me nga 2 mije euro personave ne kerkim duke i kapur ba presion dhe leshuar

    Përgjigju
  • Goni: 06/02/2022 16:40

    Kjo nuk është e drejtë. Vettingu i gjyqtarëve shkarkoi dhe gjyqtarë për 5 apo 10 mijë euro mungesë burimi. Shumica e policëve kanë dhjetëra mijëra euro pasuri të pajustifikueshme. Duhet të shkarkohen dhe këta

    Përgjigju
  • Drini: 06/02/2022 16:07

    Beni vetting per Drejtorin e Policise Tirane, Lorenc Panganika, URGENT. Eshte i marre peng nga dy vellezer qe kane qene nen akuze per vrasje, bile per disa vrasje. Hetoni lidhjet e tij me vellezerit Kuci dhe si ata nepermjet dajes se tyre, Kolomb Belles, qendronin te pa shqetesuar nen mbrojtjen e Panganikes.

    Përgjigju
  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Pas 5 vitesh mungesë Adele ngjitet përsëri në skenë! Tregon emocionet e rikthimit