POP 5

Lajmet më të lexuara të 5 minutave të fundit

Kronikë

Ndërprerjet e energjisë elektrike
CEZ: Kemi arritur marrëveshje

CEZ njofton se është arritur një marrëveshje me autoritet drejtuese Kombinatit, Mamurrasit dhe të komunave të Postrribës e Rrethinës në Shkodër, lidhur me shkëputjen e lidhjeve të paligjshme në rrjetin e shpërndarjes.(Foto nga protesta në Shkodër, banorët tentuan të hyjnë në nënstacion)  VIDEO Mbrëmë protestuan banorët e Kombinatit VIDEO FOTO Protesta në Paskuqan
TIRANE - Kompania energjetike çeke, e cila operon në Shqipëri, CEZ-Shpërndarje bën të ditur se është arritur një marrëveshje me autoritet drejtuese të njësisë bashkiake numër 6 në zonën e Kombinatit në kryeqytet, si edhe me autoritetet e qeverisjes lokale të Mamurrasit dhe të komunave të Postrribës dhe asaj të Rrethinës në Shkodër, lidhur me ndërprerjet e furnizimit të energjisë elektrike për këto zona.

Marrëveshja e arritur përfshin bashkëpunim midis njësive vendore të sipërpërmendura, policisë dhe shoqërisë, në fushatën e ndërmarrë për shkëputjen e lidhjeve të paligjshme në rrjetin e shpërndarjes.

Ndërprerja e furnizimit me energji elektrike është shoqëruar me protesta të banorëve, në Kombinat gjatë orëve të mbrëmjes së djeshme ndërsa në Shkodër, banorët kanë dalë mëngjesin e sotëm në protesta duke tentuar të futen brenda nënstacionit elektrik, me pretendimin se janë pagues të rregullt të faturave. Nga ana e saj CEZ ngre pretendimin se energjia ndërpritet për shkak të lidhjeve të jashtëligjshme.

Lidhur me këto veprime CEZ njofton se Enti Rregullator i Energjisë (ERE) ka miratuar masa të reja penalizuese kundrejt abuzuesve, ndërsa thekson: “Të gjithë ata klientë debitorë që do të vazhdojnë të injorojnë detyrimet për pagesat e faturave të energjisë dhe furnizohen me energji në mënyrë të paligjshme, do të kallëzohen nga kompania për ndjekje penale.”

“Sikurse është denoncuar gjatë gjithë kohës nga CEZ-Shpërndarje, këto lidhje të paligjshme përveçse shkaktojnë defekte të rënda dhe dëme të mëdha në rrjet, duke lënë zonat respektive pa energji, ulin cilësinë e furnizimit me energji për klientët dhe gjithashtu, duke qenë jashtë të gjithë kushteve teknike, rrezikojnë edhe jetën e vetë banorëve. Në kuadër të fushatës për ndërprerjen e lidhjeve të paligjshme, nëpërmjet të cilave vidhet energjia duke shkaktuar edhe dëme te pallogaritshme në rrjet, CEZ Shpërndarje njofton se që prej 1 Gusht 2012 të këtij viti, kanë hyrë në fuqi masa të reja penalizuese për abuzuesit, të aprovuara nga Enti Rregullator i Energjisë me vendim numër 109, siç edhe tregon tabela e mëposhtme, të cilën kërkojmë të vëmë në dispozicion të të gjithë publikut”, bëhet e ditur në njoftimin për shtyp të kompanisë CEZ.

TABELA E PENALIZIMEVE NE RAST ABUZIMI
tabel cez






















Ndërkaq, mëngjesin e sotëm, banorët e komunës Paskuqan në Tiranë, protestuan gjithashtu për mungesën e energjisë elektrik. Ata bllokuan përreth një orë rrugën që lidh këtë komunë me qendrën e Tiranës. Por në marrëveshjen e bërë publike nga CEZ-Shpërndarje, komuna e Paskuqanit nuk është përfshirë si pjesë e saj. Në një prononcim për televizionin A1Report, burime nga CEZ u shprehën se në Paskuqan ndërprerja e energjisë elektrike është si pasojë e djegies së transformatorit.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Bora në qarkun e Shkodrës, Aksi Kir - Shosh i bllokuar! Disa fshatra pa drita, OSHEE në terren

Bora në qarkun e Shkodrës, Aksi Kir - Shosh i bllokuar! Disa fshatra pa drita, OSHEE në terren

12 Janar, 13:35