Ndërroi jetë në Gjenevë, trupi i mjeshtrit të madh Ilia Tërpini sot kthehet në atdhe

Trupi i pajetë i mjeshtrit të kinemasë shqiptare, Ilia Tërpini, sot do të kthehet në atdhe. Ilia Tërpini u nda nga jeta më 13 korrik nga një sëmundje e papritur në Saint Julien (Francë) afër Gjenevës (Zvicër). Për kthimin e trupit në atdhe dhe për homazhet që do të mbahen ditën e mërkurë më 18 korrik në Muzeun Historik Kombëtar, vet i biri Klevis Tërpini që jeton në Francë ka njoftuar të gjithë miqtë me këto fjalë:  

“Përshëndetje të gjithëve. Ju falënderoj shumë të gjithëve për ngushëllimet që na keni bërë. Për lajm: babi im u nda nga kjo bote në 7h35 në qytezën Saint Julien (France) afër Gjeneves (Zvicer) në prezencën time me dhimbje shumë të mëdhaja, nga një sëmundje e rëndë që pati. Nuk arritëm dot ta kthenim me jetë e të ishte në shtëpinë e vet dhe vendin e vet për fundin e tij fizik, por shpirti i tij është.
Mbërritja e Ilias (Lluit ) në atdhe do jete të martën”, shkruan Klevis Tërpini, djali i artistit të ndjerë Ilia Tërpini. 

Klevis Tërpini  shkruan më tej se: “Ju  lajmërojmë për homazhet e babit tonë Ilia Tërpini. Do bëhen të mërkurën tek Muzeu Kombëtar ora 10h. Ju mirëpresim me dashuri”.

Shanaj: Kamera e Tërpinit, legjenda e filmit shqiptar
Për largimin nga jeta të Ilia Tërpinit regjisori i njohur Mevlan Shanaj që ka xhiruar filma me të dhe ka luajtur si aktor nën objektivin e kamerës së Ilia Tërpinit shprehet për të: 
“Ka ikur dashnori i përjetshëm i së bukurës (Llui). Lajm i hidhur. Ikja e Ilia Tërpinit është, jo vetëm prekës e i dhimbshëm, por krijon një zbrazëti kombëtare. Ishte jo vetëm mjeshtër i kamerës, dashnor i përjetshëm i së bukurës. I mbetem mirënjohës për gjithë jetën, mësuesit, mikut bashkëpunëtorit të pakrahasueshëm. Një shkrehje e aparatit të tij, më ka hapur rrugën e ekranit. Pas asaj fotoje u thirra për kinoprovë në filmin “I teti në bronx”. Kamera e Tërpinit do mbetet legjende në ekranin e filmit shqiptar. Lamtumirë, mik i të gjithëve.(Ka realizuar 27 filma artistikë dhe mbi 150 filma dokumentarë.)
 
Gjonaj: Kinemaja shqiptare humbi një ndër artistët më të shquar
Regjisori i njohur Kujtim Gjonaj ka shprehur dhimbjen për largimin nga jeta të mikut dhe bashkëpunëtorit të tij më të afërt Ilia Tërpini, duke u shprehur se kinemaja shqiptare “ka humbur një nga artistët e saj më të shquar”. “Pushoi se rrahuri zemra e një njeriu të madh,e një miku të mirë, e një bashkëpunëtori dhe kolegu të aftë, e një artisti të shquar, që zor se mund t’i afrohet përkushtimit të tij ndonjë kineast tjetër. U shua Ilia Tërpini, njeriu që ia përkushtoi tërë jetën, deri në sekondat e fundit artit më të ri, por nga me të dashurit, artit filmik. Kinemaja shqiptare humbi një ndër artistët e saj më të shquar,familja njeriun e dashur, ne miqtë dhe kolegët e e tij njeriun e apasionuar dhe të papërtuar”, ka shkruar Kujtim Gjonaj.

LEXO EDHE:
Turi në diasporë, Rama: Mezi pres të takohem me shqiptarët e Greqisë

TAG:
• Ilia Terpini

Sondazhi i ditës:

Tragjedia në Shkodër, a duhet gratë të denoncojnë çdo formë dhune?

• Po

  92%

• Jo

  4.8%

• Nuk e di

  3.1%

Vota total: 1207

• Sondazhi i ditës:

  Tragjedia në Shkodër, a duhet gratë të denoncojnë çdo formë dhune?

  Po Jo Nuk e di