Ish-anëtarja dhe drejtuesja e Brigadës së Kuqe në Itali, Barbara Balzerani, ka ndërruar jetë në moshën 75-vjeçare.
Lajmin e ka bërë të ditur Silvia De Bernardinis, autore e disa librave për Brigadën e Kuqe. Balzerani luajti një rol të rëndësishëm në seksionin e Brigadës së Kuqe në Romë dhe mes operacioneve të tjera mori pjesë edhe në rrëmbimin e Aldo Moros më 16 mars 1978 në via Fani, ku u vranë pesë anëtarët e eskortës së kryeministrit të atëhershëm të Demokristianëve.
Balzerani lindi në vitin 1949 në Collegerro dhe në vitin 1969 u transferua në Romë për të studiuar filozofi. Gjatë studimeve ajo filloi të frekuentonte qarqet e së majtës jashtëparlamentare dhe më pas u anëtarësua në Brigadën e Kuqe në vitin 1975. Nga viti 1977 e në vazhdim ajo kreu një jetë të fshehtë. Ajo mbajti postin e drejtoreshës së kolonës së Brigadës së Kuqe në Romë dhe mori pjesë në disa sulme, duke përfshirë vrasjen e magjistratit Girolamo Minervini në mars 1980.
Mbi të gjitha Balzerani mori pjesë në pritën në Via Fani, ku mbetën të vrarë pesë anëtarët e eskortës së Aldo Moros dhe u rrëmbye ish-kryeministri. Gjatë rrëmbimit, Balzerani dhe Mario Moretti (anëtar i bërthamës historike të Brigadës së Kuqe) u fshehën në bazën në via Gradoli, në Romë. E njëjta bazë u zbulua më vonë nga policia më 18 prill 1978, pas rrëmbimit të Moros dhe para vrasjes së tij. Në atë moment nuk ishin brenda as Moreti dhe as Balzerani. Ndërhyrja e policisë erdhi si pasojë e një shpërqëndrimi të gruas, e cila para se të dilte nga shtëpia la hapur dushin, duke shkaktuar përmbytje të cilat alarmuan fqinjët.
Moretti u arrestua më pas në vitin 1981. Balzerani mori pjesë në periudhën e ndarjes së Brigadës së Kuqe, duke udhëhequr fraksionin e BR “Partia Komuniste Luftuese”, kundër BR “Partia Guerile”. Më pas ajo u arrestua në vitin 1985. Ajo ishte ndër anëtarët e fundit të Brigadës së Kuqe që u kap. Në atë kohë ajo njihej edhe si “Pimperneli i Kuq”. Kur ishte në burg, ajo mori përgjegjësinë për vrasjen e ish-kryebashkiakut të Firences Lando Conti në shkurt 1986 nga Brigada e Kuqe. Ajo u dënua me burgim të përjetshëm.
Në vitet pas dënimit të saj, Balzerani ishte kritike për luftën e armatosur, por nuk u pendua dhe nuk u shkëput në mënyrë eksplicite nga periudha e militantizmit. Në vitin 1993 ajo tha se ndjente "keqardhje të thellë" për ata që ishin "prekur te të dashurit e tyre" nga ajo që ndodhi në vitet e Brigadës së Kuqe, dhe më vonë u shkëput plotësisht nga Brigada e Re e Kuqe e lindura në vitin 1999. Në vitin 2006 ajo u la në lirim me kusht dhe në vitin 2011, pasi kreu dënimin, u rikthye në liri të plotë. Që atëherë ajo kishte botuar katër libra. I fundit, në vitin 2020, e quajti “Letër babait tim”.
Lajme të tjera
-
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë
21 Dhjetor, 21:42 -
Itali/ Trafik kokaine nëpërmjet ‘WatsApp’, kapet në ndjekje 23-vjeçari shqiptar! I sekuestrohen armë dhe euro cash
21 Dhjetor, 19:39
