POP 5

Lajmet më të lexuara të 5 minutave të fundit

Kosova & Rajoni

Ndërron jetë në moshën 92-vjeçare ish-presidenti grek Karolos Papulias

Ish-presidenti grek Karolos Papulias, i cili shërbeu dy mandate midis 2005 dhe 2015, ndërroi jetë të dielën në moshën 92-vjeçare, tha presidenca

Ndërron jetë në moshën 92-vjeçare ish-presidenti grek Karolos Papulias

Ish-presidenti grek Karolos Papulias

Ish-presidenti grek Karolos Papulias, i cili shërbeu dy mandate midis 2005 dhe 2015, ndërroi jetë të dielën në moshën 92-vjeçare, tha presidenca.

Papulias, i cili ishte gjithashtu ministër i jashtëm në 1985-89 dhe 1993-96, ishte një anëtar i rangut të lartë të partisë socialiste PASOK dhe një bashkëpunëtor i ngushtë i liderit të saj të ndjerë dhe ish-kryeministrit Andreas Papandreu.

Presidentja Katerina Sakellaropoulou bëri homazhe për Papulias dhe e vlerësoi atë për rolin e tij në rezistencën kundër pushtimit nazist gjatë Luftës së Dytë Botërore dhe kundër juntës ushtarake të Greqisë 1967-74.

'Pjesëmarrja e tij në rezistencën kombëtare dhe luftën kundër diktaturës...pasqyroi përkushtimin e tij të vazhdueshëm ndaj idealeve të lirisë dhe drejtësisë, të cilat ai i mbrojti gjatë gjithë jetës së tij,'- tha Sakellaropoulou në një deklaratë.

Rendit zhvillimet sipas orarit:
Ora 15:57
Ndarja nga jeta e ish-presidentit grek, Meta i dërgon mesazh ngushëllimi: Të paharruara takimet me të dhe respekti ndaj shqiptarëve

Presidenti Ilir Meta i ka shprehur ngushëllimet familjes dhe kombit grek për ndarjen nga jeta të ish-presidentit Karolos Papulias, të cilin e konsideron një personalitet të madh që që kontribuoi në rivendosjen e demokracisë dhe progresin e vendit të tij. Meta shkruan se janë të paharruara takimet me të dhe respekti ndaj shqiptarëve.

'Mësova me trishtim ndarjen nga jeta të ish-Presidentit të Republikës së Greqisë, Karolos Papulias.

Vlerësim të madh për rolin historik dhe kontributin e Tij të çmuar në përmirësimin e marrëdhënieve dhe forcimin e fqinjësisë së mirë mes Shqipërisë dhe Greqisë, si dhe për frymën konstruktive dhe vullnetin e sinqertë të dëshmuar për rivendosjen e urave dhe frymës së bashkëpunimit në të gjitha fushat mes dy popujve tanë.

Për mua do të mbeten të paharruara takimet me të dhe sidomos respekti dhe përzemërsia e Tij ndaj popullit shqiptar dhe Shqipërisë.

Ngushëllime familjes, autoriteteve dhe kombit grek për humbjen e këtij personaliteti të madh, që kontribuoi në rivendosjen e demokracisë dhe progresin e vendit të Tij.'- shkruan Meta.

M.Q./Shqiptarja.com

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça