TIRANE - Kryeministri Edi Rama ka komentuar në Twitter prishjen e ndërtimeve pa leje, ku shprehet se shumë prej pronarëve të bizneseve pa leje justifikohen me faktin se janë në proces legalizimi, ndërsa shton se do të legalizohen vetëm shtëpitë e njerëzve dhe jo bizneset e ndërtuara në rrugë.

Shefi i qeverisë, duke i cilësuar këto objekte si “mejhave të të fortëve”, theskon se pavarësisht pretendimit të tyre, se janë duke u legalizuar, të vetmet objekte që do të legalizohen do të jenë shtëpitë e njerëzve.

 “Jam ne proces legalizimi thone shpesh keta por legalizohen shtepite e njerezve jo mejhanet e "te forteve" neper rruge.” shkruan Rama
 
Tre ditë më parë, kryeministri bëri të ditur se premtimi për legalizime falas do mbahet, ndërsa ka sqaruar se nuk do të legalizojë, asnjë objekt pa leje të ndërtuar për qëllime fitimi. Rama: Legalizim falas, por jo për ngrehinat e ngritura për fitim

Redaksia Online
(e.c/shqiptarja.com)