Ndërtimet pa leje/ Ndryshojnë emrat e pronarëve dhe sipërfaqja e parcelës në leje legalizimi

Ndërtimet pa leje/ Ndryshojnë emrat e pronarëve dhe sipërfaqja e parcelës në leje legalizimi

Këshilli i Ministrave ka bërë një numër të konsiderueshëm ndryshimesh në disa vendime të mëparshme të qeverisë, me anë të të cilëve u është njohur personave që kanë kryer ndërtime objektesh pa leje e drejta për t’i legalizuar ati sipas ligjit për legalizimet.

Sipas propozimit të ardhura në qeveri nga ana e zëvendëskryeministrit Erjon Braçe, janë rishikuar vendimet në përputhje me ligjin nr.9482, datë 3.4.2006, “Për legalizimin, urbanizimin dhe integrimin e ndërtimeve pa leje”, të ndryshuar, shkronjën “ç”, të nenit 4, të ligjit nr.7980, datë 27.7.1995, “Për shitblerjen e trojeve”, të ndryshuar dhe nenin 163, të ligjit nr.7850, datë 29.7.1994, “Kodi Civil i Republikës së Shqipërisë”, të ndryshuar.

Është konstatuar se në rastet e korrigjuara ka patur parregullsi ose shkelje të qëllimshme të ligjit, për çka zyrtarë të caktuar do të mbajnë përgjegjësi. Këto raste janë konstatuar në 41 Vendime të mëparshme të Këshillit të Ministrave, që janë miratuar në harkun kohor të viteve 2008 deri 2017.

Si pasojë, janë marrë këto masa: ndryshojnë emrat e përfituesve, ndryshon konfigurimi i parcelës ndërtimore të legalizuar ose ndryshon zona kadastrale e parcelës. Por në shumë raste është kryer edhe anulimi i dhënies së lejes së legalizimit, duke qenë se janë konstatuar shkelje të kushteve ligjore.

Gjatë vitit të kaluar, ALUIZNI raportoi se ui ka kaluar të drejtën e pronësisë së parcelave ndërtimore 1.883 objekteve të ndërtuar pa leje. Kjo e çon në mbi 166 mijë numrin total të legalizimeve që prej nisjes së këtij procesi. Sa për procesin e legalizimit të ndërtimeve pa leje, ALUIZNI raporton se është ecur me ritme të shpejta, me një mesatare prej rreth 2.500 legalizimesh në muaj. Në total janë miratuar 30.151 leje legalizimi.
 

( Kliko këtu ) Lista e plotë e legalizimeve

(Kliko këtu ) Lista e plotë e korrigjuar Maj 2019

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • MAKS VELO: 31/08/2019 18:00

    U mallkofshi ne shtate breza,,,maloke te poshter,,keni shkatarruar shqiperine,,,llum I kombit,,.

    Përgjigju
  • Maksi: 31/08/2019 11:06

    Shtepiat pa leje duhen te shenben nje ore e me pare,,,turpi zotit...

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/ Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis i cilësisë së lartë

VIDEO/ Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis i cilësisë së lartë