POP 5

Lajmet më të lexuara të 5 minutave të fundit

Ekonomi

Ndërtuesit-FMN-së: Ndihmë
shteti na detyrohet 200mln euro

Misioni i FMN ka zgjedhur komunitetin e ndërtuesve shqiptarë ndër shoqatat e ndryshme të biznesit për të zhvilluar takimin e parë informues lidhur me detyrimet financiare, që ka krijuar shteti
Ndërtuesit-FMN-së: Ndihmë<br />shteti na detyrohet 200mln euro
TIRANE - Misioni i Fondit Monetar Ndërkombëtar ka zgjedhur komunitetin e ndërtuesve shqiptarë ndër shoqatat e ndryshme të biznesit për të zhvilluar takimin e parë informues lidhur me detyrimet financiare, që ka krijuar shteti shqiptar vitet e fundit, si pasojë e mospagesës së faturave voluminoze për punë të kryera prej subjekteve private në infrastrukturë.

Pagesa ishte premtuar të kryhej nga buxheti i shtetit, por vështirësitë e përjetuara në mbledhjen e të ardhurave buxhetore, si dhe devijimi i fondeve në drejtim të shpenzimeve jo-prodhuese kanë shkaktuar një ngërç në shumë firma ndërtimi.

Sipas burimeve nga Shoqata e Ndërtuesve, në takim ishin të pranishëm kreu i këtij grupimi të biznesit, Maksim Muçi, si dhe përfaqësues të firmave të mëdha në vend. Nga pala e Fondit Monetar, ka qenë një pjesë e Misionit, çka le të kuptosh se ekspertët e FMN janë ndarë në sektorë të ndryshëm, për të krijuar një ide lidhur me problematikën e ekonomisë shqiptare dhe politikat që duhet të ndiqen në të ardhmen për të rregulluar gjendjen.

FMN ka kërkuar nga ndërtuesit shifrën që, sipas tyre, përbën shumën e detyrimeve financiare, për të cilën përfaqësuesit e Shoqatës janë përgjigjur që fjala është për mbi 200 milionë euro. Më parë, ministra të kabinetit Berisha, si Ridvan Bode apo Sokol Olldashi, kanë bërë publik më parë një shifër shumë më të vogël se kaq, prej vetëm 70 milionësh.

FMN është interesuar të dijë, gjatë takimit, se në ç’mënyrë është krijuar borxhi ndaj ndërtuesve, si dhe ka dëgjuar sugjerime prej tyre se në ç’formë mund të kryhen pagesat.

Redaksia online
(sg/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça