Ndeshja e parë si titullar, Armando Broja: Evertonin e presin ditë të mira

Armando Broja shijoi fundjavën që lamë pas herën e parë si titullar me Evertonin, por ekipi i tij u mposht në shtëpi 0-2 nga Nottingham Forest. Pas ndeshjes sulmuesi i Kombëtares komentoi për kanalet e komunikimit të klubit edhe përvojën në "Goddison", duke thënë se skuadra e ka stofin që të dhurojë ditë më të mira për tifozët.

“Kemi krijuar disa mundësi të mira, por nuk i kemi shfrytëzuar realisht. Ne mund të kishim dhe duhet të kishim bërë më shumë për veten tonë dhe duhet të kthehemi sa më shpejt që të mundemi.

Ne kemi pasur disa rezultate të mira në ndeshjet ndaj kundërshtarëve direkt, por këtë herë nuk ia dolën dhe padyshim që ata po 'fluturojnë' lart në Premier League. Ata kanë bërë mirë; e kanë zotëruar lojën që po luajnë dhe siç thashë, nuk ishte dita jonë, por ne duhet të rikthehemi", tha fillimisht 23-vjeçari.

I kënaqur me përfshirjen e tij nga minuta e parë, Broja shpjegoi: “Isha shumë i kënaqur dhe i lumtur me ndeshjen tim të parë si titullar. Natyrisht, lavdërime të mëdha për menaxherin që tregoi besim tek unë dhe që më dha këtë shans.

Unë do të vazhdoj të përpiqem të punoj sa më mirë që të mundem, të përpiqem të punoj shumë për ekipin. E di që sot ndoshta nuk ishte një nga performancat e mia më të mira. Bëra disa gjëra të mira, por kishte vend për përmirësim", shtoi sulmuesi.

I vendosur për ta nisur 2025-ën me një fitore, Broja shtoi: “Thjesht duhet të sigurohemi që të punojmë si ekip, të stërvitemi dhe punojmë shumë dhe kemi gjërat e duhura para nesh për të arritur, për të ecur përpara dhe për të fituar ndeshjen, që është gjëja më e rëndësishme.

Unë thjesht hyj në fushë dhe përpiqem ta ndihmoj ekipin sa më shumë që të mundem, përpiqem të jap diçka ndryshe dhe sigurisht që do të ketë ditë më të mira përpara", tha Broja.

S.Dh/Shqiptarja.com

TAG:
• Legjionaret
• Armando Broja
• everton
• premier league