Dje Heineken deklaroi se “ne jemi po aq të shqetësuar dhe të zhgënjyer sa të gjithë”, pasi fotoja me ringun e qenve rrethuar nga banerat e Heineken bëri xhiron e botës e shpërndarë nga rrjetet e animalistëve.
Kompania holandeze tha se hetimi po tregon se në të njëjtin klub ku po zhvillohej ndeshja e qenve, një ditë më parë kishte pasur një promovim të birrës dhe flamujt e Heineken ishin po aty që prej një dite më parë. “Flamujt e Heineken nuk kanë asnjë lidhje me ndeshjen e qenve, thjesht kanë harruar t’i heqin” tha një zëdhënës.