POP 5

Lajmet më të lexuara të 5 minutave të fundit

Sport

Ndezi Londrën me nokaut, Bermeta arrin numra historik në boks: Në 2025 do të jem mes 10 më të mirëve në botë

Alban Bermeta falë fitores së fundit në Londër arriti të renditet i 17 në botë për peshën e tij. Një numër i jashtëzakonshëm për boksin shqiptar, teksa 33-vjeçari për Report Tv thotë se ky ishte një shpërblim për punën e tij, ndërsa zbulon edhe objektivat për vitin 2025.

Ndezi Londrën me nokaut, Bermeta arrin numra historik në boks: Në 2025 do të jem mes 10 më të mirëve në botë

Boksieri Alban Bermeta

Numrat e Alban Bermetës në boks vijon të përbëjnë rekord për Shqipërinë. 33-vjeçari së fundmi arriti të triumfojë edhe në arenën e madhe të Londrës në York-Hall, duke mundur kampionin e Bullgarisë Mario Verner. Ky i fundit u detyrua të mbyllë duelin pas 4 raundeve pasi mori nokaut nga shqiptari.

“U ndjeva shumë i lumtur sepse u ndesha për herë të parë në Londër, që është ndër eventet më të mëdha në boks. U ndjeva shumë mirë sepse ishte një fitore e bukur, me nokaut. Një ndeshje e luftuar nga të dy dhe për fatin e mirë e fitova unë. Ishte shumë e bukur mes shqiptarëve sepse ata e kishin mbushur sallën,”-u shpreh boksieri Alban Bermeta

Fitorja në Londër e renditi të paktën përkohësisht të 17 në botë Alban Bermetën. Një numër i jashtëzakonshëm për një boksier shqiptar, teksa për Report TV boksieri thotë se ky rezultat ishte një shpërblim për punën e tij.

“Nuk e mendoja se do të shkoja në këtë renditje. Falë punës, mundin që kam bërë, ndjehem shumë mirë sepse po më shpërblehet ajo që kam punuar këto vite,”-tha ai.

Për Bermetën nuk ka kohë për pushim. Shumë shpejt ai do të ngjitet në ring për të ruajtur 1 nga titujt e tij.

“Titullin WBO do ta mbroj sërish më 11 janar në Londër. Shpresoj ta mbroj këtë titull dhe të luftoj për një më të mirë,”-deklaroi Bermeta.

Bermeta gjithashtu i ka të qarta planet për 2025.

“Mendoj se dua të shkoj në top-10 e botës dhe brenda 2025 të sjellë një titull akoma më të rëndësishëm në Shqipëri,”-u shpreh 33-vjeçari.

Në karrierën e tij në boksin profesionist Alban Bermeta numëron 19 ndeshje, 18 prej të cilave janë fitore. 14 të ardhura me nokaut, ndërsa një ndeshje është mbyllur në barazim.

Ne.k./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i keq/ Lundrimet Durrës-Ankona, Vlorë-Brindisi dhe anasjelltas do të vijojnë normalisht

Moti i keq/ Lundrimet Durrës-Ankona, Vlorë-Brindisi dhe anasjelltas do të vijojnë normalisht

12 Janar, 08:59