Ndihesh sikur po e humb kohën kot? Katër taktika që do të të ndihmojnë për menaxhimin e saj

Koha është një nga gjërat që nuk nuk mund ta rikuperojmë, prandaj duhet të fillosh të menaxhosh atë.

Por si mund ta bëjmë këtë?

Vendos prioritete të qarta
Fillimi i mbarë është gjysma e punës, por të dish se çfarë është më e rëndësishme për të bërë, është thelbi i një jete produktive. Mbaj një listë të detyrave, të organizuar sipas parimit të 80/20: përqendrohu te 20% e gjërave që sjellin 80% të rezultateve.

Përcakto një afat për detyrat
Shumë prej nesh humbasin kohë, sepse kalojmë nga një detyrë në tjetrën pa një strukturë të qartë. Këtu hyn në lojë teknika “Pomodoro”: Vendos një alarm për 25 minuta dhe përqendrohu tërësisht te një detyrë. Pastaj bëj një pushim të shkurtër 5-10 minuta. Rifillo përsëri të punosh për 25 minuta të tjera.

Mos bëj shumë gjëra në të njëjtën kohë
Edhe pse duket sikur po bën më shumë duke u marrë me disa detyra njëherazi, e vërteta është e kundërta: multitasking-u ul produktivitetin dhe të bën më pak efektiv.

Përqendrohu në një detyrë në një afat kohor të caktuar dhe jepi gjithë vëmendjen tënde. Kur ta përfundosh, merru me gjërat e tjera.

Merr kohën e duhur për të pushuar
Të shplodhesh është e domsodoshme për të qenë më produktiv. Kur je gjithmonë “në punë”, truri yt lodhet dhe fillon të bëjë gabime. Cakto orare për pushime të shkurtra ose aktivitete që të çlodhin.

Xh.K/Shqiptarja.com

TAG:
• ora
• menaxhimi i ores