Ndihma ekonomike, emrat që dalin
nga lista me mobilie të reja e makina

TIRANE- Ndër projektvendimet që pritet të miratohen në mbledhjen e datës 13 gusht është dhe ai për miratimin e familjeve të cilat do të marrin ndihmë ekonomike dhe pagesë invaliditeti. Në propozimin e bashkisë është vendosur se do të jetë 6407 familje të cilat do të vazhdojnë të marrin si pagesën e invaliditetit dhe atë të ndihmës ekonomike. Në 11 njësitë bashkiake që kanë qenë me reformën e vjetër territoriale do ta marrin pagesën 2618 persona, ndërsa në 13 njësitë administrative që i janë bashkuar Bashkisë së Tiranës do të vazhdojnë të përfitojnë 3789 familje.