'Ndjej një tronditje të rëndë psikologjike'! Tragjedia në Pukë dhe 'ngjallja' e ndjesisë njerëzore

Kryetari i Bashkisë së Pukës, Gjon Gjonaj, është ndër personat e parë që është gjendur në fshatin Breg të Pukës, aty ku humbën jetën mes flakëve të zjarrit çifti i bashkëshortëve, Petrit dhe Dava Ndoj, 46 dhe 35 vjeç. Fatmirësisht, në mesin e kësaj tragjedie, shpëtuan 4 fëmijët e çiftit dhe gjyshërit e tyre, e moshuara e paralizuar. Sapo kanë ndjerë zjarrin në orët e para të mëngjesit, fëmijët kanë shpëtuar njëri-tjetrin duke u hedhur nga dritarja e katit të dytë të banesës.

Kanë mundur të shpëtojnë edhe gjyshen e paralizuar dhe të moshuarin 82-vjeçar Pal GJoni, i cili ndjeu i pari zjarrin. Çifti i bashkëshortëve u gjetën të shkrumbuar në dhomën e gjumit, pranë njëri-tjetrit, ndërsa kishin tentuar të dilnin, por nuk mundën pasi u asfiksuan nga tymi.

Ngjarja e rëndë ka tronditur banorët. Bashkëfshatarët kanë shkuar në vendngjarje për të shpëtuar çtë mundnin. Kryebashkiaku thotë se ka parë një tronditje të madhe në radhët e banorëve.

LEXO EDHE:
Rritet çmimi i druve në Pukë, pensionistët në vështirësi: S’mund të sigurojmë ngrohjen, pensionet janë të ulëta

"Deshi zoti dhe fati që një pjesë e familjes së tyre doli pa problematika. Ne bëmë një veprim jashtëzakonisht të mirë në kohë dhe afat të caktuar, por koha për ti minimizuar këto fatkeqësi ishte shumë e shkurtër. Isha prezent kur u bë nxjerrja e trupave, ndjej një tronditje të rëndë psikologjike kur pash tek bashkëqytetarët e mi një dramë të madhe, për mua do të jem në kujtesën time...", tha kryetari i Bashkisë së Pukës pas tragjedisë.

Tashmë të shpëtuarit ndodhen në banesën e të afërmit të tyre, xhaxhait. Bashkia, dhe një biznesmen kanë marrë përsipër të ndërtojnë shtëpinë e shkrumbuar. DO të jetë gati për 40 ditë tha kryebashkiaku Gjonaj.

"Mblodhëm Shtabin e Emergjencave ku vendosëm që familjes në bashkëpunim me donatorë, t'i japim ndihmesë, funeralin, për t'i bërë shtëpinë për 40 ditë. E falenderoj atë biznesmen që mori përsipër realizimin e kësaj detyre. Aty ku ka unitet, marrja e situatës në dorë në kohën e duhur, nxitet edhe opinioni në ndjesinë njerëzore, që shpesh na ka humbur", - tha Gjonaj.

Origjina e zjarrit dyshohet se erdhi  nga një shkëndijë elektrike, por organet kompetente do të shprehen më tej nga hetimet e kryera.

Gjon Gjonaj ngriti shqetësimin që duhet ndërhyrje në infrastrukturë, në mënyrë që rrugët e reja të mundësojnë mbërritjen më të shpejtë të forcave zjarrfikëse apo ambulancave në raste emergjente.

Ndërkohë, drejtori i Spitalit të Pukës, Enver Sulejmani thotë se fëmijët dhe të moshuarit janë shpëtuar nga djegia nga vetë fëmijët që janë hedhur nga dritarja, bashkë me të moshuarit, që me ndihmën e djalit i nxorën nga shtëpia pa u djegur, edhe gjyshen e paralizuar. "Janë në gjendje të mirë", - tha ai.

TAG:
• puke
• digjet cifti ne puke
• gjon gjonaj

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1543

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq