POP 5

Lajmet më të lexuara të 5 minutave të fundit

Sociale

Ndotje dhe kaos në Ballsh! Ushqimet shiten në rrugë, konsumatorët në rrezik: Jemi ankuar, por Bashkia s’e vë ujin në zjarr

Në qytetin e Ballshit s’ka treg ushqimor, ndaj tregtia zhvillohet në rrugë. Banorët thonë se janë ankuar, por Bashkia e Mallakastrës dhe AKU nuk marrin asnje masë.

Në tregun informal të Ballshit çdo të dielë dalin me dhjetëra fermerë dhe tregtarë ambulantë për të shitur produktet e tyre bujqësore e industriale. Që nga frutat-perimet e deri tek peshku tregtohen në mes të rrugës e pluhurit, në mungesë të çdo kushti higjieno-sanitar.

Përpos rrezikut të madh për shëndetin e konsumatorit, ky treg i improvizuar përbën rrezik dhe për aksidente rrugore. Më të shqetësuar për situatën janë banorët e lagjes “Gllavenica”, të cilët kanë banesat vetëm 3 metra distancë nga rruga ku zhvillohet tregtia e paligjshme.

“Këtu tregtohen bagëti, lopë e gomerë. Jemi ankuar tek Shëndeti Publik se i kemi dritaret ngjitur, por na thanë e ka Bashkia. Edhe në Bashki kemi shkuar, por nuk e vë ujin në zjarr. Ne kërkojmë të hiqen nga këtu.. Makinat kalojnë mbi njerëz. Unë kam pësuar aksident tre herë”, thanë disa banorë.

Për mikrofonin e Report tv Qemal Ramaj dhe Hekuran Çaushi thanë se kanë bërë disa herë ankesa në bashki, përmes peticioneve por institucioni vendor nuk ka bërë asgjë! Më shqetësuese për ta është tregtia e gjësë së gjallë. Delet e dhitë që shiten poshte dritare te tyre sjellin ndotje të madhe.

“Kemi bërë ankesë në Këshillin Bashkiak, na thanë do i çojmë tek Stacioni i Trenit, por nuk e bënë. Pra na mashtruan! Kemi bërë disa shkresa edhe në Polici por asnjë masë nuk është marrë”, shprehen ata.  

Institucione si Bashkia e Mallakastrës dhe Autoriteti Kombëtar i Ushqimit i shmnagen përgjegjësive, që ua dikton ligji për sigurinë ushqimore dhe tregtinë e ligjshme e të kontrolluar!

 

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alb: 14/10/2024 17:40

    Ky ashte shteti si don me u fute ne BE

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu