POP 5

Lajmet më të lexuara të 5 minutave të fundit

Sociale

Ndotje masive në lumin Drin, shishe e materiale plastike! Prurjet mbushin hapësirën me plehra që derdhen në det

Mjaftoi një ditë me reshje, për ta shndërruar panoramën e lumit Drin në një landfill mbetjesh. Prurjet e vazhdueshme të shirave mbushin shtratin e Drinit me mbeturina plastike që më pas përfundojnë në det. Kjo problematikë është kthyer në shqetësim që deri më sot institucionet përgjegjëse nuk i kanë dhënë asnjë zgjidhje.

Kjo është panorama që të ofron shtrati i lumit Drin në Lezhë që një ditë pas reshjeve të dendura të shiut i ngjan një landfilli mbeturinash.

Shtimi i prurjeve ka sjell mbeturina të shumta që përshkojnë rrjedhën e lumit e  më tej përfundojnë në det, duke krijuar një ndotje te madhe për zonën turistike.

Shkaktari kryesor i ndotjes është vetë dora e njeriut që i hedh mbeturinat jashtë vendeve të përcaktuara dhe pasojat janë këto që shohim.

Të dy anët e bregdetit, në grykëderdhjen e lumit Drin janë mbuluar nga mbetje të ndryshme deri të kafshët e ngordhura, të cilat prej kohesh kanë zënë vend dhe askush nuk angazhohet për t’i zhvendosur dhe pastruar territorin.

Kjo problematikë është prezentë në sa herë ka reshje, duke i sjellë ndotje të madhe bregdetit, ndërsa Bashkia Lezhë dhe e Vaut të Dejës deri më sot nuk kanë dhënë asnjë zgjidhje për menaxhimin e mbetjeve, duke shmangur përgjegjësinë.

Lumi Drin ka një gjatësi prej 285 km dhe një basen mbi 14 mijë km katrorë, pjesa më e madhe e të cilit përshkon zonën e Lezhës. Krahas ndotjes së krijuar nga njerëzit, ky lumë është kthyer në një kërcënim serioz përmbytjesh.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu