POP 5

Lajmet më të lexuara të 5 minutave të fundit

Sociale

Ndotje në Orikum, fusha e mbetjeve ‘mbyt’ qytetin turistik! Administratori: Duhet mbyllur urgjent! Kërkojmë nga Qeveria të hapë landfillin e Sherishtës

Fusha e mbetjeve urbane në Orikum është kthyer në një gangrenë, pasi prej vitesh vitesh depozitohen plehra përtej kapacitetit që ka ky vendgrumbullim. Administratori i njësisë vendore Orikum, pjesë e bashkisë së Vlorës thotë se zgjidhjen e ka në dorë Qeveria e cila duhet të vendosë për hapjen e landifillit të ri të ndërtuar në Sherishtë.

Afro 9 mijë tonë mbetje urbane depozitohen çdo vit në  fushën e Orikumit  prej 20 vitesh, mes të cilave dhe shumë kafshë të ngordhura, por nuk mungojnë gomat e makinave dhe mobiljet e vjetra. Era e rëndë e tyre ndjehet dhe në qytet, të cilin mjafton të fryjë një fllad i lehtë dhe mbulohet nga qeset. Ndërsa kur erërat janë të forta, pamja nuk ka nevojë për koment.

Administratori i Njësisë Vendore të Orikumit, Selim Haskoçela nuk jep asnjë  shpresë se kjo pamje skandaloze vetëm pak metra nga rruga nacionale dhe By Pass-i që lidh Vlorën me Palasën do të ndryshojë edhe pas këtij sezoni turistik. Sipas tij, kjo problematikë vijon të paktën prej vitit 2021dhe nuk ka gjasë të ndryshojë pa përfunduar landfilli i Sherishtës.

“Ne kemi bërë presion bashkisë dhe bashkia pranë qeverisë por ende nuk është bërë e mundur hapja e landifillit të Sherishtës. Ka fjalë që në tetor do të nisë të operojë Sherishta por ne me fjalë jemi ngopur! Ka ngecur pa hapur për shkaqe burokratike. Ne përmes televizionit tuaj, i kërkojmë qeverisë ta hapë së më shpejt sepse gjendja në Orikum është kritike si për banorët ashtu dhe për turistët”, tha ai.

Fusha e mbetjeve urbane menaxhohet sot nga Bashkia e Vlorës, ku Orikumi është njësi e saj vendore. Ndërsa vendimi për ta kthyer këtë fushë fare pranë qytetit në vend depozitim mbetjesh është marrë 20 vite më parë, në 2004, nga Këshilli Bashkiak i kohës. Ky vendim, sipas administratorit aktual, është i paligjshëm.

Pa u ndërtuar landfilli i Sherishtës ku do të depozitohen mbetjen e Bashkisë së Vlorës, të Selenicës dhe Njësisë së Orikumit, kjo pamje do të shoqërojë si banorët e zonës, ashtu dhe me qindra  turistë vendas dhe të huaj që kalojnë në këtë aks për të shkuar në plazhet e jugut.

R.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lui: 28/09/2024 09:56

    Orikumi ishte skandal fare kete vit. Nje pisllek qe nuk e gjen ne asnje vend. Kazane plehrash qe rrine plot, sepse pastrohen vetem nje ose dy here ne dite, nderkohe qe popullsia ne sezon vere 4-5 fishohet. Plazhet po ashtu, rruge e pashtruar dhe plehra gjithandej. Brenda qyteti i ngjan nje qyteti pas bombardimeve. Pastaj per ta vulosur eshte dhe ajo hapesira ngjitur me bypass-in turistik dhe panoramik te Rames qe kundermon ere e qelbur. Duhet bere dicka per te gjithe kete situate se nuk vazhdohet me keshtu. Dhe nje gabim trashanik ishte qe Orikumi u fut nen bashkine e Vlores. Nderkohe qe duhet te jete bashki me vete per te qene me eficent ne menaxhimin e territorit, sepse kemi te bejme me territor turistik dhe kulinar gjithashtu.

    Përgjigju
  • tani: 28/09/2024 02:30

    Vlora do inceberatot,,o ju dhjefsha trute,, por,,,NUK DO EDI RAMA INCENERATORE,,E KA LENE EDHE TIRANEN NE PIKE TE HALLIT....SE I VJEDH LEKET.....

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31