TIRANE - Drejtori i Përgjithshëm Artan Didi ka firmosur lëvizjen e disa prej krerëve të komisariateve në Policinë e Tiranës.

Bëhet e ditur se, shefi i komisariatit numër 3, Vladimir Laska është lëvizur nga kjo detyrë dhe emërohet komandant i njërit prej 5 grupeve të RENEA-s. Në vend të tij, në krye të këtij komisariati është emëruar Gëzim Zhupa.

I emëruari në këtë detyrë, Zhupa, më parë mbante detyrën e specialistit të parandalimit të krimit në Drejtorinë e Policisë së Shtetit.

Ndërkohë që Ermal Milori është emëruar shef komisariati në Rinas në vend të Ziadin Allaraj.

(sg/shqiptarja.com)