TIRANE- Kryeprokurorja e përkohshme Arta Marku vijon ndryshimet në kuadër të riorganizimit të prokurorive. Ditën e sotme Arta Marku, sipas gazetarit të Shqiptarja.com Elton Qyno ka vendosur që të rikthejë në Tiranë në prokurorinë e Krimeve të Rënda prokurorin Anton Martini.
Ky i fundit ishte drejtues i prokurorisë së Shkodrës prej 6 muajsh, ndërsa tashmë vendin e tij do ta zerë prokurori Ylli Pjetërnikaj, i cili më parë ka mbajtur detyrën e ndihmësit ligjor në prokurorinë e Përgjithshme.
Nesër pritet që të bëhet prezantimi i prokurorit Pjetërnikaj në Shkodër. Ndërsa Anton Martini që u largua nga Llalla në fund të mandatit në Shkodër, me rikthimin në Tiranë tek Krimet e Rënda nga Arta Marku, sipas burimeve të Shqiptarja.com do i besohet një strukturë dhe dosje të rëndësishme hetimore.
Kujtojmë që pak kohë më parë Kryeprokurorja e përkohshme Arta Marku shkarkoi nga detyra e drejtuesit të Prokurorisë së Krimeve të Rënda Besim Hajdarmatajn dhe në vendin e tij emëroi Donika Prelën. Ndërkohë që vijon riorganizimi te Krimet e Rënda me strukturat e reja që do të ngrihen.
Lajme të tjera
-
‘Më pushkatuan mua dhe familjen në pabesi’, ish-prokurori Martini pas shkarkimit nga KPA: Beteja ime ligjore do të vazhdojë, e drejta të vihet në vend
11 Qershor 2021, 10:12 -
Mos justifikimi i një banese ‘djeg’ prokurorin Anton Martini! KPA e shkarkon, i 'pritet ëndrra' për të qenë pjesë e SPAK
10 Qershor 2021, 15:17 -
20 kg drogë, mijëra fara kanabisi dhe armë zjarri, 4 të arrestuar në Shkodër, 1 në kërkim! Momenti kur arrestohen nga 'Shqiponjat'
21 Prill 2021, 10:08 -
KLP miraton drejtuesit e përkohshëm të disa prokurorive, emërohet edhe Donika Preli në Tiranë
17 Shtator 2020, 15:16
