Ndryshimet në Kod, KQZ
tryezë të hënën me OSBE-në

TIRANE- Fillon tryeza e parë për reformën zgjedhore. Komisioni Qendror i Zgjedhjeve ditën e hënë do të zhvillojë një tryezë për të diskutuar mbi ndryshimet e mundshme në Kodin Zgjedhor. Por kjo tryezë bëhet në një kohë ku paralelisht me të po bëhen negociatat ndërmjet PD-së dhe PS-së për miratimin e reformës administrative e cila çon automatikisht në një reformën në Kodin Zgjedhor. Të hënën në tryezën e KQZ-së do të jenë të pranishëm edhe përfaqësuesit e OSBE-së të cilët janë edhe misionet që japin direktivat se si duhet bërë reforma zgjedhore.

Kësisoj zhvillimi i kësaj tryeze i hap rrugë reformës në ligjin zgjedhor i cili është në limitet e afatit. Konkretisht këto ndryshime duhet të bëhen brenda muajit korrik, pasi më pas përfundon sesioni parlamentar, i cili rifillon javën e dytë të shtatorit kohë në të cilën do të bëhet edhe dekreti i Nishanit për caktimin e datës së zgjedhjeve gjë e cila e fut vendin automatikisht në periudhë zgjedhore. Kësisoj me kalimin e këtij afati edhe ndryshimet në Kod bëhen disi më të komplikuara pasi do të ndikojnë direkt në punën e KQZ-së. Si alternativë e dytë për të bërë amendamente në ligjin elektoral është mundësia që ligjet të konsultohen gjatë verës dhe në shtator të ikin në parlament vetëm për votim.
 
Ndryshimi
Reforma në Kodin Zgjedhor ka qenë një nga pikat e raportit të OSBE-ODHIR për zgjedhjet parlamentare të 23 qershorit 2014.

Shkrimi u botua në Shqiptarja.com (print) në 28 qershor 2014

Redaksia Online
(d.a/shqiptarja.com)  

TAG:
• kqz
• OSBE