TIRANË- Pas ndryshimeve të kabinetit qeveritar të propozuar nga kryeministri Edi Rama në Kongresin e PS, pritet dekreti i Presidentit Bajram Begaj. Që prej ditës së djeshme, Rama ia vendosi kreut të shtetit propozimet në tavolinë, ndërsa do duhet një dekret i tij që ndryshimet në qeveri të kalojnë në Kuvend, ku kërkojnë 71 vota për të marrë detyrën.
Burime nga Presidenca bëjnë me dije se ndryshimet në qeveri janë në proces verifikimi, ndërsa seanca e posaçme e Kuvendit që ishte parashikuar për ditën e sotme në 18:00 është shtyrë për nesër në 18:00.
Këto lëvizje të Ramës në kabinet dhe Kryesinë e Kuvendit u diskutuan sot në mbledhjen e grupit të PS që zgjati vetëm 30 minuta. I pranishëm ishte vetë Rama, ndërsa Niko Peleshi u prezantua si kreu i ri i grupit të PS. Në mbledhje ishin tre ministrat e rinj, Ervin Hoxha, Petrit Malaj dhe Pirro Vengu, ndërkohë që mungoi Ervin Mete i cili nuk do mbajë me postin e 'Financave'.
Kreu i qeverisë ka falenderuar Taulant Ballën, Niko Peleshin për kontributin e tyre në krye të këtyre ministrive. Ndërkohë mësohet se socialistët kanë mbledhur mbi 30 firma për të propozuar Spiropalin si kryetare të Parlamentit.
Tre anëtarë të rinj do të shtohen Qeverisë Rama, ndërsa më surpriza nga të gjitha ishte largimi i Taulant Ballës nga ministër i Brendshëm pas një vit pas emërimit në një prej dikastereve më të rëndësishëm. Megjithatë Balla nuk do të largohet nga kabineti, edhe pse këtë herë do të jetë ministër pa portofol, teksa do të zëvendësojë Elisa Spiropalin si ministër Shteti për Marrëdhëniet me parlamentit.
Ministri i ri i Brendshëm do të jetë Ervin Hoxha, i cili deri më tani mban detyrën e kryeinspektorit të IMT. Në krye të Ministrisë së Mbrojtjes do të vijë Pirro Vengu, i cili deri më tani ka mbajtur detyrën e drejtorit të Autoritetit Portual Durrës. Ministri i ri i Financave do të jetë Petrit Malaj, i cili zë vendin e Ervin Metes.
Elisa Spiorpali është propozuar kryetare e Kuvendit, pas dorëheqjes së Lindita Nikollës. Nnëkryetar Bledi Çuçi, i cili ishte kreut i grupit të PS. Këtë post pritet ta marë Niko Peleshi, i cili u shkarkua si Ministër i Mbrojtjes.
Më shumë se 30 deputetë socialistë kanë firmosur për propozimin e kryeministrit Edi Rama që Elisa Spiropali të jetë kryetare të kuvendit, pas dorëheqjes së Lindita Nikollës, mëson gazetarja e Shqiptarja.com dhe Report Tv, Raziela Myslimaj.
Ndërkohë në orën 13: 30 minuta Spiropali ësht takuar me Presidentin Bajram Begaj i cili ende nuk ka firmosur ndryshimet e kabinetit qeveritar të propozuar dje në Kongres nga kryeministri Edi Rama.
Në mbledhjen e grupit PS-së që u mbajt paraditen e sotme Kryesocialisti Rama ndërsa prezantoi 3 ministrat e rinj Ervin Hoxha, Petrit Malaj dhe Pirro Vengo, si edhe Niko Peleshin që me propozimet e Ramës në Kongres nuk do të jetë më ministër i Mbrojtjes por kreu i grupit të PS-së.
Elisa Spiropali hyri dje në kongresin e PS-se si Ministre e shtetit për Parlamentin por në fund doli si e propozuar nga Edi Rama për tu emëruar si numri 2 i shtetit. Madje dje Rama ftoi socialistët ti japin të gjithë mbështetjen Spiropalit për të marrë drejtimin e Parlamentit
Spiropali ka pasur një karrierë politike në ngritje në këto 12 vitet e fundit që kur nisi angazhimin e saj me organizatën "Mjaft", më pas Drejtore Doganash në qeverinë "Rama 1" , drejtuese e qarkut të Shkodrës dhe ministre e Shtetit për marrëdhëniet me Parlamentin.
Ndërkohë Rama propozoi që Bledi Çuçi do të marrë detyrën e nënkryetarit të Kuvendit duke larguar nga ky post Ermonela Felaj.
Gazetarja e Report Tv, Raziela Myslimaj zbardh detaje nga mbledhja e grupit të Partisë Socialiste. Një ditë pas ndryshimeve në qeveri dhe Kryesinë e Kuvendit, kryesocialisti Rama mblodhi grupin, ndërsa prezantoi 3 ministrat e rinj Ervin Hoxha, Petrit Malaj dhe Pirro Vengo, si edhe kreun e grupit Niko Peleshi.
Gazetarja Myslimaj mëson se Rama ka vlerësuar punën e Taulant Ballës dhe Niko Peleshit, dhe Ervin Mete, të cilët drejtonin ministrinë e Brendshme atë të Mbrojtjes dhe të Financave.
Në mbledhje nuk ishte Ervin Mete, i cili u hoq nga drejtimi i ministrisë së Financave.
Tre ministrat e rinj të kabinetit Rama iu bashkuan sot mbledhjes së grupit të PS.
Report Tv sjell pamjet teksa ministri i Brendshëm Ervin Hoxha, i Financave Petrit Malaj dhe ai i Mbrojtjes Pirro Vengu dalin nga mbledhja që u zhvillua në Kryesinë e Kuvendit.
Ndryshimet e qeverisë pritet të marrin dekretin nga Begaj, për t’i kaluar nesër seancës plenare për votim.
Komente
Lajme të tjera
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58 -
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Spiropali uron besimtarët për Krishtlindjet: Jezu Krishti na tregon se dashuria është forca më e madhe njerëzore dhe jo sundimi, pushteti apo pasuria!
24 Dhjetor, 17:48 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Mbyllja e TikTok, Balla: Platforma nuk përmbushi detyrimin për moderimin e postimeve në gjuhën shqipe
24 Dhjetor, 12:17 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Konferenca/ Peleshi: Bardhi e interpreton ndryshe, Parlamenti s’kontrollon vetveten! Duket veprim politik, periudha e zgjedhjeve s’e lejon ngritjen e Komisionit
23 Dhjetor, 13:58
Pas Spiropalit qe zevendesoi largimin me arsye te Nikolles,duket se po kuptohet dhe katapultimi i Cucit.Duket qe Rama po ndihej perhere e me teper nervoz sa here qe opozita e populli i rrjeteve sociale i kujtonte Ermonela Felajt 4 te afermit e saj ne prokurori qe tingellonte si zyre private avokatie:Felaj and Felaj and Felaj and Felaj!
PërgjigjuE Mete s’e pati te gjatë ! Ndoshta Spaku ka trokitur tek Kryeministria!!!
PërgjigjuO Mete të doli boja shpejtë mos surrat mi mor hajdut i pa vlerë more maskara se vodhe në amf për 7 vite mor plerë. Spaku tani besoj se do të të fus një herë në dorë. Plerë hajdut i pa skrupullt
PërgjigjuPresidenti nuk duhet ti votoi sepse janë krejtësisht pa vlera.
PërgjigjuEdhe enveri kur bente ndryshime pyeste kom qendror apo byron politike Kurse ky gjigandi spyet njeri fare Keta vjedhin te gjith kurse ky del palagur
PërgjigjuNje gje eshte tashme e qarte: qe shtetasi Edi Rama, me detyre deputet ne Kuvend dhe Kryeminister provohet qe eshte inkompetent, i paafte dhe shperdorues i rende abuzues i pushtetit. Ne tre mandate ai ka deshtuar me sukses te perzgjedhe dhe propozoje anetare te Keshillit te ministrave qe te kene stabilitet dhe koherence. Vecanerisht ndryshimet e shpeshta te paargumentuara dhe emerimet private e nepotike si dhe bacground kriminal i shumices se ministrave te tij, qartaz tregon se jo ata por vete Edi Rama eshte pema e helmatisur nga i cili cdo frut eshte e destinuar te jete po e helmatisur.
Përgjigju