ELBASAN- Ndryshimi i gjyqtarëve në Gjykatën e Elbasanit për shqyrtimin e kërkesës penale, për lirimin ose jo nga burgu të Florenc Çapjas, ku gjyqtarja Miranda Konica është zëvendësuar nga Fatime Fetahu, ka sjellë reagimin e ashpër të Bilbil Memës, vëllait të ish-policit Fadil Mema. Ky i fundit dyshohet se është tentuar të vritet nga Florenca Çapja në vitin 2006 para shtëpisë së tij. Bilbil Mema, vëllai i Fadilit, që ndjek me interes dinamikën e këtij procesi hetimor dhe gjyqësor kundër Florenc Çapjas, tha për “Shqiptarja.com” se llumi i gjyqësorit po tenton të luajë me gjakun e vëllait të tij Fadil Mema. Mema shprehet për gazetën “Shqiptarja.com” se ”...nuk mund të jemi dakord që çështjen tonë ta gjykojë gjyqtarja Pajtime Fetahu, e përjashtuar nga rradhët e gjyqësorit, pasi u filmua duke marë para. Si mund t’i besohet përsëri kësaj gjyqtareje, të rikthyer në Gjyqësor nga paratë e krimit e korrupsionit? Pajtimja, në dijeninë time, është shoqe e klasës e Gëzim Veleshnjës, avokat i familjes Çapja, së paku në rastin e të akuzuarit për vrasjen e Roland Rexhepit dhe Gentian Beqirit e shtetasit Arben Jaçe, të vrarë në Elbasan…” Më tej Bilbil Mema shprehet se duhet me çdo kusht që kjo gjyqtare të mos trajtojë çështjen e tyre, pasi ka konflikt të pastër interesi. Mema thotë për “Shqiptarja.com” se “…Pajtime Fetahu ka vëlla Arben Kodollakun, oficer në policinë rrugore dhe një ish-koleg i Fadilit. A duhet që ta ketë edhe kjo gjyqtare, vëllanë të vrarë nga mafia që të kuptojë situatën tonë se ku ndodhemi? Çfarë do të thoshte kjo gjyqtare nëse një gjyqtar tjetër i korruptuar do lironte vrasësin e vëllait të saj…?”
Bilbil Mema, vëllai i ish-policit Fadil Mema
Reagimi i Bilbil Memës vjen një ditë pasi “Shqiptarja.com” denoncoi se prej muajit gusht 2019 në këtë proces gjyqësor është ndryshuar gjyqtarja që ndjek hetimin paraprak dhe shqyrton masat e sigurisë për të ndaluarin Florenc Çapja. Në seancën e të premtes mes gjykatës, prokurorisë dhe avokatit mbrojtës të Florencit është bërë një debat juridik, pikërisht për mënyrën se si në këtë çështje penale ka hyrë një gjyqtare e re, për shqyrtimin e kërkesës së zëvendësimin e masës së sigurisë “arrest në burg” për të arrestuarit Florenc Çapja. Kjo gjyqtare e re që ka hyrë në këtë çështje quhet Pajtime Fetahu, duke spostuar gjyqtaren e seancës paraprake që ka dhënë e para vendimin për Florenc Çapjan, gjyqtaren Miranda Konica (Çekrezi).
Fetahu ka marrë drejtimin e dosjes në gjykatë në muajin gusht 2019, pikërisht kur Miranda Konica ka qënë me lejë vjetore, ndërsa Fetahu ka qenë në listë gatishmërie në gjykatën e Elbasanit. Gjatë seancës së të premtes prokuroria e Elbasanit ka kërkuar përjashtimin e gjyqtares Fetahu nga shqyrtimi i masës së sigurisë për Florenc Çapjas, me argumentin se ajo nuk është kompetente dhe s’ka bazë ligjore për të shqyrtuar këtë dosje. Kjo, pasi, sipas diskutimit që u zhvilluar në gjykatë, gjyqtarja kompetente është pikërisht Miranda Konica (Çekrezi), e cila rezulton se është gjyqtarja e parë që shqyrtoi kërkesat e të arrestuarve gjatë fazës së seancës paraprake. Miranda Konica në datën 12 qershor 2019 ka caktuar masën e sigurisë “Arrest në burg” për Florenc Çapjan, pasi prokuroria e Elbasanit e akuzon këtë të fundit për akuzën e “Vrasjes me paramendim” mbetur në tentativë në dëm të ish-efektivit të policisë rrugore Fadil Mema dhe akuzën e “Mbajtjes pa lejë të armëve luftarake”.
Por pavarësisht se çfarë ka ndodhur prej qershorit 2019, tashmë çështja e Florenc Çapjas është marrë nga një gjyqtare tjetër e cila ka refuzuar të tërhiqet edhe pas kërkesave të bëra nga palët në këtë proces gjyqësor dhe pritet që në ditët në vijim të dali me një vendim konkret nëse do vendosi lirimin nga qelia ose jo të Florenc Çapjas.
Lajme të tjera
-
Nga ish-kreu i bandës së Durrësit tek Eldi Dizdari, bosët e krimit që dyshohet se fshihen në Dubai! Prençi: Prej atje dirigjojnë aktivitetin kriminal
12 Shkurt, 19:08 -
Vrasja e Gentjan dhe Nezir Beqirit në 2012, SPAK kërkon burg përjetë për Ardjan Çapjan dhe Olsi Lekun! 25 vite për Florenc Capjan! 'Kursen' bashkëpunëtorin e drejtësisë
17 Shkurt 2023, 15:30 -
Operacioni 'Golden Bullet', konfiskohen pasuritë e Florenc Çapjas në Pogradec dhe Elbasan; 4 banesa, 1 biznes dhe 4710 m2 tokë, i kalojnë shtetit
27 Janar 2023, 12:46 -
Pronë në Udënisht të Pogradecit, ”Audi A8” troje dhe biznese, SPAK sekuestron pasurinë e Florenc Çapjas dhe Bled Muçës
23 Janar 2023, 15:23 -
'Truri i operacionit' për rrëmbimin e Jan Prengës në Kamzë, arrestohet në Spanjë 40-vjeçari me 3 emra
30 Nëntor 2022, 20:45 -
Në kërkim për atentatin ndaj dy vëllezërve Doçi në Shkodër, arrestohet 30 vjeçari në Tiranë! Kapet me pistoletë në makinë (VIDEO)
29 Nëntor 2022, 10:06 -
Florenc Çapja kthehet nga Dubai? Policia i kontrollon shtëpinë, shpallet në kërkim babai, dyshohet se ndihmonte të birin në krime! Çfarë iu gjet në servis
17 Gusht 2022, 10:01 -
‘Mikeshë e Çapjave’, gjyqtarja me pasuri përrallore Zamira Vyshka që u arrestua nga SPAK u denoncua nga Fadil Mema para se të vritej: U mbylli dosjen e një vrasje
23 Korrik 2022, 18:58
-
‘Plumbi i artë’ u dekonspirua, burime për Report Tv: Pati rrjedhje informacioni! Kush janë ‘bosët’ e krimit që janë ende në arrati dhe i shpëtuan prangave
21 Maj 2022, 12:29 -
DOSJA 'Plumbi i Artë' / Operacioni i SPAK u dekonspirua? 14 'bosat' shmangin arrestimet, mes tyre Suel Çela, Talo Çela e Ervis Martinaj! Nga vrasjet, te përplasjet me armë, për çfarë akuzohen
19 Maj 2022, 14:46 -
Ekzekutimi i babë dhe bir në Elbasan në 2012, dëshmon i penduari i drejtësisë, i kërkon falje nënës së viktimës: Si e njoha Gentian Beqirin në burg dhe porosia për vrasjen e tij
11 Maj 2022, 17:43 -
Në karrige me rrota, i rrethuar nga efektivë, flet në SPAK polici Budani! I ruante shtëpinë, por iu vranë në praninë e tij babë e bir në Elbasan, dosja e bujshme pret të zbardhet (VIDEO)
28 Prill 2022, 09:29
