POP 5

Lajmet më të lexuara të 5 minutave të fundit

Arkiva

Ndryshimi i orës javën tjetër,
PE studim për efektet 

Ndryshimi i orës edhe këtë pranverë do të bëhet të dielën e fundit të muajit mars. Si sot një javë më vonë Shqipëria dhe Europa do të zgjohet një orë më herët. Ndonëse Parlamenti Europian votoi kundër ndryshimit të orës, deputetët ranë dakort në bërjen e studimit për të marrë më tej vendimin.
Ndryshimi i orës javën tjetër,<br />PE studim për efektet <br>
E diela e fundit e marsit do të sjellë edhe ndryshimin e orës për vendet e Europës. Diskutimet për ndryshimin e orës në Parlamentin europian kanë sjellë debate të shumta, por arritën në një marrëveshje. Parlamenti Europian votoi javën e shkuar për të mos hequr ende ndërrimin e orës, por shumica vendosi që të kryhet më parë një hetim mbi efektet që ndryshimi apo mos ndryshimi i orës do të sillte. 

Për këtë arsye, eurodeputetët, me 384 vota pro dhe 153 kundër, kërkuan një studim shkencor përfundimtar përpara se të merret masa e heqjes së ndryshimit. Finlanda, e cila ka kryeqytetin më të veriut të BE-së, thirri në janar që BE të heqë çelësin e orës, pas një peticioni publik që siguroi më shumë se 70,000 nënshkrime. Politikanët e lartë në Lituani, Poloni dhe Suedi gjithashtu kanë kritikuar ndryshimin e kohës, i cili përdoret në pjesën më të madhe të Amerikës së Veriut.  Kritikët e sistemit thonë se kjo mund të shkaktojë probleme afatgjata shëndetësore, veçanërisht në mesin e fëmijëve të vegjël dhe të moshuarve.

Hulumtimet kanë treguar se ndryshimi i kohës ndërpret oraret e gjumit dhe mund të ndikojë në produktivitetin në punë.  Studime të shumta kanë dështuar të arrijnë në një konkluzion të përbashkët, megjithatë kanë treguar se ka efekte negative tek shëndeti i njeriut. Ndërrimi i orëve është bërë i zakonshëm gjatë viteve ’70 , por është testuar edhe më herët, si nga Britania e Madhe gjatë Luftës së Dytë Botërore. Shqipëria dhe Spanja ishin të parat në Europë që filluan të zbatonin orët e verës dhe orët e dimrit në vitin 1974.

d.b/shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça