Ndryshon taksa e infrastrukturës, ja sa do të paguhet nga ndërtuesit

Qeveria ka vendosur dje, në mbledhjen e radhës, që të ndryshojë edhe disa pika të ligjit të Taksave Vendore, që kanë të bëjnë me taksën që paguhet gjatë ndërtimeve.

Sipas amendamentimit të parë, në rastin e ndërtimeve të destinuara për qëllime banimi apo për njësi tregtimi dhe shërbimi, të cilat kryhen nga shoqëri ndërtimi, shkalla e taksës së ndikimit në infrastrukturë do të jetë 4-8% të çmimit të shitjes për metër katror.

Në këtë kategori investimesh përfshihen edhe ndërtimet zëvendësuese për qëllime banimi, të kushtëzuara për t’u ndërtuar si shkak i zbatimit të një kontrate koncesionare, e cila prek banesat ekzistuese. Gjithashtu, në këtë kategori përfshihen edhe ndërtimet e destinuara për qendra tregtare apo të biznesit.

Për ndërtime që destinohen për turizëm, industri, bujqësi, ndërtime individuale për qëllime të përdorimit vetjak nga individët, të ndërtuara nga vetë individi apo me sipërmarrës, si dhe ndërtimeve për qëllime publike, taksa e ndikimit në infrastrukturë do të jetë 1-3% për qind e vlerës së investimit, ndërsa për Bashkinë e Tiranës 2-4%.

Lajmi kryesor:

Ndryshimet, ja kategoritë e reja që përjashtohen nga taksa e ndërtesës

TAG:
• vkm
• ndertuesit
• taksa e nderteses