Të shumtë janë personat që si zgjidhje për tu dukur bukur kanë gjetur përdorimin e botox-it apo të tërheqjes së lëkurës. I ftuar mëngjesin e sotëm në emisionin “Rreze Dielli” në Report tv, kirurgu estetik Panajot Papa ka shpjeguar efektet negative të përdorimit të botox-it, në rastet kur ai realizohet gabim. Sipas kirurgut , në Shqipëri janë të shumta rastet e keqrealizimit të ndërhyrjeve dhe këto janë lehtësisht të dukshme.
Botoxi nuk duhet të paralizojë komplet muskujt . Ajo që ndodh në Shqipëri është se sheh pacientë të paralizuar, ose shpesh herë për shembull , cepi i vetullës i ngrihet lart. Në fakt duhet të ngrihet cepi i vetullës, por jo në mënyrë të gabuar. Kur të ngrihet cepi i vetullës, personi automatikisht bëhet më i shëmtuar dhe jo më i bukur, sepse është jonatyrale. Ne duhet të paralizojmë rrudhat, jo të paralizojmë muskujt.
Panajot Papa, kirurg estetik
Ndërkaq efektet që mund të shkaktojë tërheqja e lëkurës, apo siç njihet gjerësisht facelifting mund të shkojnë deri në paralizë faciale, ne rastet kur ndërhyrjet bëhen nga persona jo të fushës.
Për sa i përket "facelifting", nëse bëhet në mënyrë të gabuar mund të shkaktojë edhe paralizë faciale, nëse bëhet jo nga mjekë apo nga specialist. Çdonjeri duhet të bëjë punën e tij sipas specializimit. Objektivi i një kirurgu plastik është që nesër kur të shohin pacientin e tij, ta pyesin çfarë ka ndodhur tek fytyra jote, mos ke ndryshuar flokët? Në momentin që ne kuptojmë se pacienti ka bërë një ndryshim, i bie që pacienti është bërë gabim ose është trajtuar gabim, por njëkohësisht edhe mjeku ka dështuar.
Dëshira për tu dukur bukur vjen më së shumti nga njerëzit e ekranit, të cilët nëpër intervista shpesh shprehen se e kanë arritur trupin e tyre në mënyrë natyrale dhe jo me ndihmën e ndërhyrjeve. Megjithatë në një video të shkurtër në prapaskenë me moderatorët Erjona Rusi dhe Alban Musa, kirurgu Panajot Papa është shprehur : Shumica thonë se vithet i kanë bërë në palestër, por gjysmën e tyre e kam bërë vetëm unë.
Kirurgu estetik Panajot Papa në studion e "Rreze Dielli"
Lajme të tjera
-
Investigimi/ Në Shqipëri, botoks dhe filler në parukeri nga mashtrues pa diploma
4 Maj 2022, 22:12 -
Kylie Jenner, Katy Pery dhe Jessica Alba, si po festojnë Vip-at krishtlindjen?
25 Dhjetor 2021, 16:23 -
Rep-pop/ Muzikë, sfida dhe kërcim! Çfarë kanë postuar Vip-at në Tik Tok? (video)
30 Nëntor 2021, 10:40 -
VIP-at në fillim të karrierës dhe tani! Ja si kanë ndryshuar stilin gjatë viteve dhe si po lënë ‘gjurmët’ e tyre ne modë
24 Korrik 2021, 16:40 -
Yjet botërorë shfaqen me bikini, cilat janë modelet më të preferuara për këtë verë (FOTO)
5 Korrik 2020, 16:39 -
10 të famshmet që dëshmojnë se mosha është thjesht një numër (FOTO)
27 Qershor 2020, 21:24 -
Si dukeshin vipat botërorë në rininë e tyre (FOTO)
27 Shkurt 2020, 17:54 -
Vipat botërorë ndajnë fotot e fëmijërisë bashkë me të dashurit e tyre (FOTO)
21 Shkurt 2020, 19:57 -
Salma Hayek përballet me komentin e pakëndshëm, ja si ia mbyll gojën ndjekësit
20 Shkurt 2020, 17:11
