Tregtarët e tregut industrial në qytetin e Vlorës kanë protestuar mbrëmjen e së hënës përpara Bashkisë.

Shkak për këtë protestë është bërë njoftimi i dhënë nga ana e bashkisë, sipas të cilit ata duhet të largohen brenda tre ditësh nga vendi ku ushtrojnë aktivitetin e tyre tregtar, në kuadër të një projekti që parashikon krijimin e një tregu të ri.

Tregtarët shprehen se nuk kanë asnjë alternativë se ku mund të zhvendosen për të vijuar punën, ndërsa theksojnë se njoftimi është bërë pa asnjë konsultë paraprake me ta.

'Na thanë lërni bukën e fëmijëve dhe largohuni. Nuk e dimë se ku do të shkojmë', tha një tregtar.

'Ne na thanë për 3 ditë duhet që të largoheni. Kjo është thjeshtë për të na larguar, sepse nuk do të shkojmë më atje. Ne kërkojmë një vend që të shkojmë që të punojmë', tha një tjetër.

'Janë 500 familje që u hiqet buka e gojës, nuk i jepet asnjë lloj zgjidhje', tha një tregtar.

Sipas tyre, një vendim i tillë i marrë në mënyrë të njëanshme rrezikon drejtpërdrejt jetesën e dhjetëra familjeve që sigurojnë të ardhurat nga ky aktivitet.

Tregtarët kanë zhvilluar për rreth 1 orë edhe një takim me Kryetaren e Bashkisë së Vlorës Brunilda Mersini. Pas takimit ata shprehen se nuk ka ende asnjë dakortësi, pasi Bashkia e Vlorës nuk ka prona sipas tyre dhe për këtë arsye nuk kanë se ku të vendosen. Në vendet që i janë propozuar ata thonë se nuk janë dakort, ndërsa aty ku kanë kërkuar tregtarër ata nuk preferojnë pasi i dëmton.

S.B/A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Mars, 15:01

    PS nuk jep aprovimin për arrestimin e Ballukut, si e vlerësoni?

Lajme të tjera