Në 1 ditë dorëzohen vullnetarisht
29 armë,7 granata e 2225 fishekë

Pas thirrjeve të vazhdueshme së Ministrit Tahiri dhe Policisë së Shtetit për dorëzimin e armëve ka vijuar në të gjithë vendin dorëzimi vullnetar i tyre.
  
Gjatë 24 orëve të fundit në të gjithë vendin janë dorëzuar 29 armë, 2225 fishekë, 7 granata, 7 ndezës, 12 krehëra, 25 m fitil detonar zjarrpërcjellës.
  
Në Shijak, Durrës, banorët dorëzojnë 6 armë zjarri, 4 karikatorë dhe 150 fishekë.
 
Në Dajç-Shkodër janë dorëzuar në Komisariatin e Policisë Shkodër 8 armë zjarri dhe 640 fishekë.
 
Në Divjakë, Fier, janë dorëzuar në Komisariatin e Policisë Divjakë 10 armë zjarri dhe 200 fishekë luftarakë.
 
Në Gjirokastër janë dorëzuar nga 2 banorë të zonës së Lunxhërisë edhe 2 armë zjarri e 520 fishekë.
 
Në Librazhd, tre shtetas kanë dorëzuar në Komisariatin e Policisë 1 pushkë, 715 fishekë, 8 krehëra, 7 granata, 7 ndezës granatash dhe 25 m fitil detonar zjarrpërcjellës.
 
Në Dibër janë dorëzuar edhe dy armë të tjera që mbaheshin pa leje që nga viti 1997.
 
Policia e Shtetit ka falenderuar të gjithë qytetarët për bashkëpunimin në dorëzimin vullnetar të armëve dhe ju ka bërë thirrje dhe një herë të gjithë atyre që disponojnë armë pa leje në banesat e tyre t'i dorëzojnë pranë Komisariateve të Policisë brenda datës 30 Prill.

Redaksia Online
Al.N/Shqiptarja.com