POP 5

Lajmet më të lexuara të 5 minutave të fundit

Ekonomi

Në 2024 Shqipëria mund të emetojë një tjetër eurobond, interesat e borxhit për vitin e ardhshëm arrijnë 600 mln euro! Mete: Synojmë uljen e borxhit

Në vitin që vjen prite të merret një tjetër eurobond në tregjet ndërkombëtare për të financuar borxhin ekzistues. Ministri i Financave Ervin Mete tha në Komisionin e Ekonomisë se për vitin 2024 pritet të ulet borxhi nën 60%, por evidentoi si shqetësim normat e larta të interesit.

Në vitin që vjen prite të merret një tjetër eurobond në tregjet ndërkombëtare për të financuar borxhin ekzistues. Ministri i Financave Ervin Mete tha në Komisionin e Ekonomisë se për vitin 2024 pritet të ulet borxhi nën 60%, por evidentoi si shqetësim normat e larta të interesit.

Shqipëria mund të dalë përsëri në tregjet ndërkombëtare për të emetuar një tjetër eurobond në vitin 2024, për të financuar borxhin publik të vendit.

“Nuk përjashtohet mundësia gjithashtu e avancimit gjatë vitit 2024 të daljes me Eurobond në tregjet ndërkombëtare, e cila është parashikuar të realizohet në vitin 2025, kjo për arsye të minimizimit të riskut të ri financimit të vitit 2025”, tha Mete.

Ministri i Financave dhe Ekonomisë Ervin Mete tha në Komisionin e Ekonomisë se rritja e normave të interesit mund të ndikojë në shlyerjen e borxhit pasi rrit kostot, për këtë arsye në buxhet është caktuar edhe fondi i kontigjencës.

“Në buxhetin e vitit 2024 janë parashikuar rreth 60.9 miliardë Lekë shpenzime për interesa të borxhit të brendshëm dhe të jashtëm dhe 5.3 miliardë Lekë kontigjencë, për të përballuar rritjen e shërbimit të borxhit që mund të burojë nga rritja e normave të interesit apo edhe prej luhatjes së kursit të këmbimit”, tha Mete.

Në projektbuxhet është parashikuar marrja e huasë edhe në tregun e brendshëm.

“Sa i takon financimit neto të vitit 2024, në skenarin bazë, nevoja për financim neto nëpërmjet huamarrjes është rreth 34.5 miliardë lekë”, tha ministri.

Projektbuxheti parashikon që vitin e ardhshëm borxhi publik të zbresë nën nivelin 60% të PBB-së, për herë të parë që nga viti 2011. 

M.T/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 08/11/2023 20:32

    Krimi me imadh ekonomik ne 2024 do te paguhen 600 milion dollar interesa te borxhit,jo pak por 8% te buxhetit faktik.Cfar nikoqirlleku eshte ky kur shqiptaret paguajne miliona oer borxhet e qeverise deri diku pa efektivitet duke oasur kosto te larte ne shume investime

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Aktivitetet Kulturore/ Koncerti ‘Trëndafilin kur ta dhashë’ në TKOB, drama ‘Dhelprat e Vogla’ në skenën e Teatrit Metropol

Aktivitetet Kulturore/ Koncerti ‘Trëndafilin kur ta dhashë’ në TKOB, drama ‘Dhelprat e Vogla’ në skenën e Teatrit Metropol

24 Janar, 12:14 nga Blerina Goce