Në 6 muaj, turistët shpenzuan 1.1 mld euro në vendin tonë! Më shumë të ardhura nga Britania, Holanda e Gjermania

Në 6 muaj të huajt shpenzuan  në Shqipëri 1.1 miliard Euro ose  444 milionë euro më shumë se vitin e kaluar. Banka e Shqipërisë thotë se në tremujorin e dytë të vitit të ardhurat nga shërbimet u rritën si pasojë e aktiviteteve kulturore e sportive që u zhvilluan në vend.

Ngjarjet kulturore dhe sportive gjatë muajve prill, maj dhe qershor, që sollën me mijëra vizitorë rritën ndjeshëm edhe të ardhurat. Shpenzimet turistike për këtë periudhë u rritën me 275 milionë euro, dhe në total të huajt sollën në vend 722 milionë euro nga 447 milionë euro që ishte në të njëjtin tremujor vjet.

“Rritja e nivelit të shpenzimeve ditore është diktuar dhe nga dinamika e eventeve sportive dhe kulturore gjatë këtij tremujori, që kanë tërhequr më shumë vizitorë nga Mbretëria e Bashkuar, Gjermania dhe Holanda”, thuhet në raportin e Bankës së Shqipërisë.

Eventi ndërkombëtar Konferencë Liga, me ndeshjen Romë- Feyenoord, në Tiranë, përpos faktit që solli me mijëra tifozë të skuadrave në vend, nxiti edhe pronarët e hoteleve të disa fishonin çmimet e dhomave, ndërsa lokalet e restorantet shtrenjtuan pijet.

Po ashtu zhvillimi i disa aktiviteteve në kuadër të javëve të kulturës për shumë shtete, afruan më shumë vizitorë në vend e për pasojë më shumë shpenzime, që për buxhetin e shtetin përkthehen në të ardhura shtesë.

Ndërkohë në 6 muaj të huajt shpenzuan në Shqipëri për arsye turistike mbi 1.1 miliardë euro, duke u rritur me 444 milionë euro në raport me vitin e kaluar.

Impakt në këtë përmirësim ka dhënë  edhe  lehtësimi i masave shtrënguese për COVID-19.

Heqja e kufizimeve, ka hapur dyert edhe për shqiptarët, të cilët shpenzuan jashtë vendit për pushime 794 milionë euro, ose 395 milionë euro më shumë sesa në gjashtëmujorin e vitit të kaluar.

TË ARDHURAT NGA TË HUAJIT 

Janar-Qershor 2021               687 mln euro

Janar-Qershor 2022             1.131 mln euro

Diferenca                             +444 mln euro

SHPENZIMET JASHTË VENDIT

Janar-Qershor 2021               399 mln euro

Janar-Qershor 2022               794 mln euro

Diferenca                             +395 mln euro

SHPENZIMET PRILL-QERSHOR 

Prill-Qershor 2021             447 mln euro

Prill-Qershor 2022             722 mln euro

Diferenca                         +275 mln euro

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Artan: 13/09/2022 07:57

    Tana kta euro Nuk ma Falen mua as nje euro cudi.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet