POP 5

Lajmet më të lexuara të 5 minutave të fundit

Ekonomi

Në 6 muaj u mblodhën 1.9 mld euro, eksperti: Ishte e pritshme, rritja e punësimit është sezonale shkak sezoni turistik

Rritja e të ardhurave në gjashtëmujorin e parë të vitit ishte e pritshme sipas ekspertëve të ekonomisë. Eksperti Fiskal Eduart Gjokutaj thotë se ndikim pozitiv ka pasur rritja e konsumit, dhe plotësimi i deklaratës së të ardhurave nga dy-punësimi. Ndërsa sa i takon rritjes së punësimit Gjokutaj thotë se është sezonale për shkak të turizmit.                                                                        

Në 6 muajit e parë të viti janë mbledhur rreth 48% e të ardhurave të planifikuara për gjithë vitin 2021. Në total deri në fund të qershorit janë mbledhur mbi 1.9 miliardë euro nga rreth 4 miliardë që duhen mbledhur deri në fund të vitit.

Eksperti i ekonomisë Eduart Gjokutaj thotë se rritja ishte e pritshme dhe është e ndikuar nga rritja e konsumit dhe dorëzimi i deklaratës së të ardhurave individuale nga dy-punësimi.

“Shikohet që tek zëri i tatimit mbi të ardhurat personale ka një lëvizshmëri për shkak të deklaratave të dy-punësimit por edhe dividendi ka një rritje të konsiderueshme në raport me vitet e kaluara. TVSH ka kontributin e saj për shkak të rritjes së konsumit dhe kjo rritje konsumi shprehet në një TVSH më të madhe në importe dhe në TVSH e brendshme më e lartë se viti i kaluar”, tha Gjokutaj.

Në këtë periudhë të parë të vitit ka pasur rritje punësimi sipas të dhënave të Ministrisë së Financave janë rritur me 6.4 miliardë lekë të ardhurat nga kontributet, por për ekspertin kjo është një rritje sezonale.

“Kjo rritje është e lidhur më së shumti me pjesën e sektorit turistik apo edhe aktivizimi i disa kategorive që lidhet me pjesën e eksporteve”, tha Gjokutaj.

Sipas raportit në maj numri i të punësuarve u rrit me 13.100 vende të reja ose 2% më shumë se në vitin e kaluar. Kjo rritje është 1.7% më e lartë se mesatarja e vendeve të punës në vitet 2016-2020.

TË ARDHURAT NGA KONTRIBUTET

Janar-Qershor 2020        46,798

Janar-Qershor 2021         53,231

Diferenca  6433

Janar-Qershor 2021          1,917 mld euro 

Buxheti i total                     4,007 mld euro

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46