POP 5

Lajmet më të lexuara të 5 minutave të fundit

Ekonomi

Në 9 muaj investimet e huaja direkte arritën në 1.2 mld euro! Pasuritë e paluajtshme, sektori që po tërheq investitorët

Investimet e huaja në 9-të muajt e këtij viti janë rritur me 216 milionë euro krahasuar me vitin e kaluar, dhe kanë kapur shifrën 1.2 miliardë euro. Sipas të dhënave të Bankës së Shqipërisë vëmendja e investitorëve në muajit e fundit është e përqendruar tek pasuritë e paluajtshme dhe tek sektori i energjisë

1.2 miliardë euro janë investuar nga të huajit në sektorët e ekonomisë së vendit prej muajit janar deri në fund të shtatorit. Në raport me 9-mujorin e vitit të kaluar investimet e huaja direkte janë rritur me rreth 216 milionë euro, pasi vjet gjatë kësaj periudhe ishin investuar 984 milionë euro.

Banka e Shqipërisë thotë se vetëm në tremujorin e tretë të këtij viti investimet e huaja direkte kapën shifrën 404 milionë euro, me rritje rreth 17% krahasuar me të njëjtën periudhë të vitit të kaluar.

Nga kjo vlerë, injektimi i kapitalit të ri në ekonomi ishte 214 milionë euro, ndërkohë që pjesa tjetër ishte fitimi i ri-investuar u zgjerua me 3%, në nivelin 201 milionë euro.

Pasuritë e paluajtshme vijojnë të rrisin pozitat e tyre në tregun e investimeve, pasi edhe në këtë periudhë vëmendja e investitorëve të huaj është përqendruar pikërisht në këtë sektor.

Sipas Bankës qendrore gjatë këtij tremujori, investimet e huaja direkte janë përqendruar kryesisht në pasuri të paluajtshme në masën 23%, sektorin e hidrokarbureve 15%, sektorin e energjetikes në masën 14%, si dhe ndërmjetësimit financiar me 10%.

Ekspertët e tregut të pasurive të paluajtshme pohojnë se zonat bregdetare po tërheqin vëmendjen e të huajve. Sinjale këto që tregohen edhe nga raportet e Bankës për blerjet e banesave ku një pjesë e madhe blihen nga të huajit.

 

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si e vlerësoni punën e qeverisë gjatë vitit 2024?

Lajme të tjera



×

Lajmi i fundit

Spahiu: Erion Veliaj do hetohet i lirë, sepse gjykata hapi praktikë penale të njëjtë për Berishën

Spahiu: Erion Veliaj do hetohet i lirë, sepse gjykata hapi praktikë penale të njëjtë për Berishën

30 Dhjetor, 22:06