Futbollisti brazilian Neymar ka marrë kritika të shumta nga fansat e tij për shkak se nuk ka marrë pjesë në homazhet dhe funeralin e Pele i cili vdiq disa ditë më parë.

Ylli i PSG-së ka dhënë arsyen e angazhimit të tij me skuadrën franceze si motiv për mungesën e tij në funeralin e mbretit të futbollit Pele. Por këto pretendime të tij ranë poshtë në momentin që u publikua një video e Neymar i cili duket qartë duke kërcyer në të njëjtën ditë kur në Brazil i jepej lamtumira Peles.

Zhurma e kritikave shoqëroi zgjedhjen për të mos qenë fizikisht i pranishëm në Santos, duke lënë të atin të shkonte atje në emër të tij.

“Ai është shumë i pikëlluar, – pranoi babai. – Djali im më kërkoi të isha këtu në vendin e tij për t’i dhënë mbështetje familjes së Peles. Ne e dimë se sa keq është të humbasësh dikë. Nuk humbëm vetëm sportistin, por edhe personin”.

"Nuk kishte “veto” nga Paris Saint-Germain. Po të kishte dashur, askush nuk do ta pengonte të hipte në fluturim dhe të mbërrinte atje për të bërë homazhe ndaj kampionit që vdiq në moshën 82-vjeçare nga komplikimet e shkaktuara nga një tumor. “Për karnavalet ia doli të çlirohej…”- janë disa prej komenteve më të ashpra ndaj tij.

Por ai ka shokë me vete, sepse opinioni publik nuk ka kursyer edhe Kakà apo fenomenin Ronaldo, mungesa e të cilëve në funeral është pjesë e polemikave. Gjithçka ka për bazë mungesën e respektit për një legjendë të futbollit brazilian.

Pikërisht në ato orë kur në Santos po binte velloja e lotëve dhe trishtimit, ai performoi në një klub gjatë një feste së bashku me këngëtaren Ana Aoas (e cila ka publikuar videon në rrjetet sociale) dhe Carol Cabrino, gruaja e Marquinhos.

 

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qupi: 04/01/2023 15:19

    I plasi Nejmarit per Pelen….le qe as neve sna plas hic…ai e beri jeten e vet, sdi rronte pafund

    Përgjigju
  • Beni: 04/01/2023 14:52

    Perse cfare duhet te bej ai te vajtoj ? Ne moshen e Peles te vdesin te gjithe , ai i kishte ber ditet e zotit

    Përgjigju
  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera