POP 5

Lajmet më të lexuara të 5 minutave të fundit

Arkiva

Në Brezovicë nga korriku nis investimi prej 410 milionë eurosh

PRISHTINE, 31 Janar/ATSH/-Autoritetet e vendit në muajin mars do të nënshkruajnë kontratën me konzorciumin francezo -andorian “MDP Consulting – Compagnie des Alpes – PGI Management “. Ky është një nga projektet me investimet më të mëdha në vend, që parashih të investohen 410 milion euro për 17 vjetët e ardhshme. Zyrtarët e njësisë për implementimin […]

PRISHTINE, 31 Janar/ATSH/-Autoritetet e vendit në muajin mars do të nënshkruajnë kontratën me konzorciumin francezo -andorian "MDP Consulting - Compagnie des Alpes - PGI Management ".
Ky është një nga projektet me investimet më të mëdha në vend, që parashih të investohen 410 milion euro për 17 vjetët e ardhshme. Zyrtarët e njësisë për implementimin e projektit "Brezovica", kanë thënë se ky projekt do të realizohet sipas parashikimeve të parapara dhe se gjithçka deri tash e kanë nën kontroll.
Ndërsa zyrtarët e komunës së Shtërpcës, thonë se komuna jo që do të pengoj pronarin e ri por do ta ndihmoj në maksimum.
Njohësit e çështjeve ekonomike vlerësojnë se çfarëdo reagimi për këtë projekt do të ishte i dëmshëm dhe i pa arsyeshëm. Këshilltari për Marrëdhënie me Publikun, nga Njësia Implementuese e Projektit të Brezovices, Manik Begolli , thotë se kontrata mes Qeverisë së Kosovës dhe kompanisë përzgjedhëse konzorciumit francezo-andorian, pritet të nënshkruhet gjatë muajit mars. Ai nuk e sheh problematike ndonjë pengesë eventuale në Brezovicë.
Ai po ashtu thotë se konzorciumi vjen për një projekt të ri, kjo që ka ndodh në Shtërpcë është pjesë e politikave të Komunës, të qendrës ekzistuese, për këtë sezon. Ai ka treguar se investimet në Brezovicë do të fillojnë diku nga muaji korrik ose gusht.
Ai po ashtu ka thënë se në periudhën 17 vjeçare investitori do të bëjë investime në vlerë prej 410 milion euro. Investimet sipas tij, janë të ndara në tre faza. Në fazën e parë parashihen të investohen 164 milion euro , në të dytën 154 milion euro dhe në fazën e fundit 80 milion euro.
Nënkryetari i Komunës së Shtërpcës, Nikola Krstiç, për KosovaPress tha se sa ka ai informata ende nuk është nënshkruar kontrata dhe se ata do ti ndihmojnë pronarit të ri.
"Sa unë e di ende nuk është nënshkruar kontrata për koncesionimin e Brezovicës dhe vendimi për atë vjen nga grupi ndërministrorë. Komuna e Shtërpcës është bashkë me grupin ndërministror i formuar për projektin e Brezovicës dhe Komuna e Shtërpcës jo që nuk do të pengoj por ka me i ndihmuar pronarit të ri", ka thënë Krstiç përmes telefonit.
Në anën tjetër, njohësi i çështjeve ekonomike, Ibrahim Rexhepi, nuk përjashton mundësin e protestave të banorëve të pa kënaqur atje.
"Duhet pasur parasysh se partitë politike serbe, por edhe një pjesë e popullatës, janë kundër privatizimit, apo dhënies në shfrytëzim të pasurive që gjinden për brenda komunave të banuara me popullatë serbe, atëherë reagimet, qoftë edhe në formë të protestës, mund të jenë të pritshme", ka thënë në përgjigjen elektronike Rexhepi.
Ai ka shtuar se ato janë krejtësisht të pa arsyeshme, meqenëse sipërfaqja nga shtrihet kompleksi turistik në Brezovicë nuk është vetëm e komunës së Shtërpcës.
Madje sipas tij, me investime, përfitues i drejtpërdrejtë do të jete popullata që jeton në këtë komunë dhe se fundmi investimet në këtë kompleks do të ndikojnë edhe për zhvillimin e degëve tjera, kryesisht në sektorin privat.
"Pra, protestat mund të jenë të nxitura nga motivet e tjera, kryesisht politike, e jo për çështje ekonomike, apo sociale. Reagimet që vijnë nga Beogradi edhe për rastin e Brezovicës janë të pritura. Ata ende konsiderojnë se Brezovica është e tyre, por në fakt këtë nuk mund ta argumentojnë me asgjë", ka thënë Rexhepi.
Ai ka shtuar se edhe për çështje pronësore të Brezovicës nuk ka nevojë të bisedohet as edhe në Bruksel, ndërsa sipas tij, nëse ka pretendime të tjera, atëherë duhet gjetur modalitetet me të pranueshëm për të dyja palët, ashtu që ato të përmbushen.
Ndryshe, konzorciumi francezo-andorian do ti ketë në shfrytëzim për 99 vjet të ardhshëm 3364 hektarë tokë të Kosovës. /KosovaPress/ /a.g/

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13