Një grua shtatzënë 31 vjeçe, e cila ishte në muajin e saj të gjashtë, humbi trinjakët këtë të premte. Mësohet se gruaja është Enkeleda Rexhepi 31 vjeçe. Sipas gazetarit të Report TV, ajo u paraqit në spitalin e Bulqizës, por atje nuk ka patur as mjekë dhe as sallë operacioni dhe për lindjen e saj u asistua vetëm nga një infermiere. Ajo fillimisht arriti të lindë njërin prej trinjakëve, por humbi dy të tjerët.
Gazetari i Report Tv, bëri të ditur se pas informimit për këtë rast disa mjekë janë nisur nga Tirana, me helikopter drejt Bulqizës ndërsa mësohet se zonja vjen nga një zonë e thellë e fshatit Ostren në Bulqizë. Me të mbërritur në spitalin e Bulqizës, nëna lehonë nuk ka arritur të sjellë në jetë dy fëmijët e saj. Mësohet se gjëndja e nënës lehonë tanimë është e qëndrueshme deri tani, por ndërkohë paraprakisht mësohet të tre fëmijët e saj kanë humbur jetën.
Ajo ka ardhur nga një zonë e thellë e Bulqizës dhe i eshte dashur që të ecë me kalë rreth një orë për të dalë në rrugën nacionale dhe me një makinë të rastit është transportuar spitalin e Bulqizës.
Reagimi i Ministrisë së Shëndetësisë
Por në një reagim të Ministrisë së Shëndetësisë.sqarohet se mjekët arritën të shpëtojnë jetën e 31-vjeccares, e cila kishte një barrë 24 javëshe, të pamundur për të shpëtuar fëmijët.Lidhur me ngjarjen e ndodhur në spitalin e Bulqizës, sqarojmë opinionin publik si më poshtë:
Nëna me inicialet E.R. 31 vjeç është paraqitur në spitalin e Bulqizës në orën 12:00 të ditës së sotme. Nëna e re është asistuar për lindjen e trenjakëve me moshë barre të parakohshme 24-javëshe.
31-vjeçarja është asistuar për lindjen e fëmijës së parë nga mjeku i përgjithshëm Fatos Hoxha dhe dy mami të maternitetit të Bulqizës.
Për shkak të komplikacioneve, menjëherë është njoftuar ekipi i urgjencës kombëtare mjekësore dhe është nisur nga Tirana një ekip i specializuar nga Materniteti “Mbretëresha Geraldinë” me helikopterin e Urgjencës Kombëtare. Brenda 20 minutash, helikopteri me ekipin e specializuar nga Tirana ka mbërritur në spitalin e Bulqizës. Mjekët e specializuar të maternitetit të Tiranës kanë asistuar dy lindjet e tjera dhe kanë shpëtuar nënën e re, e cila rrezikonte jetën.
Për shkak të moshës së vogël të barrës (24 javë është e papajtueshme me jetën), trenjakët nuk kanë mundur të mbijetojnë, ndërsa nëna tashmë është jashtë rrezikut për jetën dhe në këto momente është nën kujdesin e mjekëve'-thuhet në reagimin e ministrisë.
Për ngjarjen e rëndë të ditës së sotme ku gruaja 30 vjeçare , Enkeleda Rexhepi humbi tre fëmijët e saj trinjakë në Spitalin e Bulqizës, për shkak të mungesës së mjekëve specialistë , ka folur në një lidhje telefonike për Report TV edhe Kreu i Bashkisë së Bulqizës, Melaim Damzi.
Teksa ka sqaruar situatën e paraqitur ditën e sotme dhe gjendjen e ambienteve në Spitalin e Bulqizës, kryebashkiaku Damzi ka thënë se ai i gruas nga fshati Ostren ka qenë një rast komplikacioni, e cila gjatë kohës kur 31-vjeçarja po transportohej ka dështuar. Kreybashkiaku ka treguar se në spital nuk mungojnë sallat e operacionit, por nuk ka mjekë specialistë gjinekologë.
"Ka qënë një rast komplikacioni gjatë kohës kur po transportohej, dhe ka dështuar. Nuk ka mjekë specialistë. Të sëmurët drejtohen te spitalet rajonale. Ka rrugë, të gjithë fshatrat janë të lidhura me qytetin. Sallat janë, por nuk ka mjekë specialistë. Të gjithë drejtohen në spitalin rajonal”, ka thënë Melaim Damzi
Ndërkohë në një lidhje telefonike Drejtori i Spitalit, Hazif Jella ka dhënë një informacion me rastin e 31 vjeçares , në lidhje me situatën e paraqitur dhe gjendjen e ambienteve në spitalin e Bulqizës duke thënë që në këtë spital ka patur staf mjekësor dhe sallë operacioni por ka refuzuar të përgjigjet nëse në spital mungonte mjeku specialist gjinekolog.
“Ka sallë operacioni, ka sallë lindje ka dhe stafin mjekësor. Kemi staf mjekësor, kemi mjekë dhe infermierë. Kemi këto që të thashë”.
Hazif Jella, Drejtori i Spitalit të Bulqizës
Komente
Lajme të tjera
-
Ergys Mërtiri: Ç'na tregoi më 23 Nëntor Altin Dumani?
24 Nëntor, 08:47
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut
24 Nëntor, 07:55 -
Dronë misteriozë shihen mbi 3 baza amerikane në Britani
24 Nëntor, 07:41 -
Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm
24 Nëntor, 07:35 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës: Gati shqipe
24 Nëntor, 07:10 -
Yjet tregojnë se do të ketë perspektiva dhe mundësi të reja për avancim në karrierë, horoskopi për sot
24 Nëntor, 07:05 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Tjetër hap fals, Barcelona barazon 2-2 në Vigo! Celta i shënon dy gola në fund
23 Nëntor, 22:59 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43
Keqardhje per humbjen e trinjakeve, por fal mjekeve shpetoi nena. Me ate lindje te hershme dhe peshe trupore te femijeve 30 me 70 e kishin fatin per te jetuar edhe sikur te ishin tek Nena Geraldine e jo me ne Bulqize. Kete e kam nga eksperience personale e nje te njohurit tim qe i lindi vajza ne javen e 26-te, 1000 gram dhe ndejti 3 muaj ne inkubator deri sa u mekemb, por ato 3 muaj çdo dite ishte lufte a do ia dali apo jo. Ngushellime prinderve, here tjeter nese gruaja do e kete baren me komplikacione me mire shtrohuni 3 muaj ne maternitet se sa te merrni riskun perseri.
PërgjigjuS'ka doctora s'ka spitale, s'ka sherbim ambulance, urgjence. Te na rrojne Universitetet dhe politikanet.
PërgjigjuOh sa keeeeeeeeq! Ne cdo vend mund te humbasesh femije per arsye te ndryshme komplikacionesh por vetem ne vende si Shqiperia mund te humbasesh fëmijë ( që aq shumë i duhen vendit ), per arsye mos patje kushtesh dhe mundesisht! Turp per ata mutër që rrinë karrigeve te parlamentit ose dhe jashte tij si llapaqener duke u ngrene me njeri-tjetrit e duke u majmur pa prodhuar asgje. Hakmarrja e gruas së re rëntë mbi gjith funderrinat e politikës!
Përgjigju@FREDI mos harro se ajo grua e shkret esht nga fshatrat e thella malore dhe ti ne komentet e meparshme i quaje shpellar dhe se enveri bente mir qe nuk i linte ne qytet kurse tani ben sikur ido.njeri me dy fytyra dhe i keq.felliqesire