POP 5

Lajmet më të lexuara të 5 minutave të fundit

Sport

'Në Europë duhet punë', Haili për eliminimin e Tiranës nga Champions League: Mungojnë afrimet në merkato

Gabimet e sulmuesve, përgatitja jo e duhur dhe merkato larg pritshmërive janë arsyet që Tirana u eliminua nga Champions League sipas presidentit Refik Halili.

Ëndrra dhe shpresa ishte e madhe për një përmbysje, por Tirana kampione e Shqipërisë është eliminuar nga Champions League që në turin e parë. Bardheblutë pas humbjes 1-0 në Luksenburg janë mposhtur 1-2 në Air Albania nga Dudelange, duke mbyllur llogaritë në këtë kompeticion me pendesën që sulmuesit gabuan shumë raste në pjesën e parë.

“Mendimi im është se fati nuk ishte me ne. Një gol do na bënte një ndihmë shumë të madhe. Ishte diçka që nuk e kishim menduar që do merrnim këtë rezultat negative,”-u shpreh Refik Halili, president i Tiranës.

Numri 1 i klubit të Tiranës e di se ku çaloi skuadra dhe ku duhet ndërhyrë për të mos i përsëritur gabimet në të ardhmen.

“Për të shkuar më tutje, flas për të ardhmen nuk po flas për sezonin në Superligë, duhet më shumë punë dhe më shumë blerje,”-deklaroi Refik Halili, president i Tiranës.

Aventura e Tiranës në Europë gjithsesi nuk mbyllet këtu, pasi bardheblutë tani janë zhvendosur në turin e dytë të Conference League. Bardheblutë luajnë me 21 korrik në ‘Air Albania’ me kampionët e Bosnjës Zrinjski Mostar.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

BBC: Si u kthye Donald Trump nga humnera politike?

BBC: Si u kthye Donald Trump nga humnera politike?

2 Nëntor, 13:10