POP 5

Lajmet më të lexuara të 5 minutave të fundit

Kronikë

Në kërkim administratori i bizneseve të Allajbeut, plagos me thikë të moshuarin në Berat! Fetiu administron ‘AnaMark’, aksionet zotërohen nga ‘Tregu Agro-Ushqimor’

Krahu i djathtë, Klodian Allajbeut, të Spitalit Amerikan qëlloi me thikë një të moshuar vetëm se tentoi të ndajë sherrin në lokal. Ngjarja e rëndë u shënua në qytetin e Beratit, ndërsa Asllan Fetiu është shpallur në kërkim. Nga të dhënat në Qendrën e Biznesit, 37-vjeçari rezulton administrator i “AnaMark”, kompani e lidhur me Tregun Agro-Ushqimor në Tiranë.

Administratori i një prej bizneseve të Klodian Allajbeut të Spitalit Amerikan është shpallur në kërkim nga policia e Beratit, pasi akuzohet se të hënën e 24 marsit, rreth orës 19:00, plagosi me thikë në një lokal në lagjen “Çelepias” një të moshuar.

Nga një kërkim në Qendrën Kombëtare të Biznesit, rezulton se 37-vjeçari Asllan Fetiu me origjinë nga Berati, është administrator te “AnaMark”, aksionet e së cilës zotërohen nga kompania e sipërmarrësit Klodian Allajbeu EKMA ose Tregu Agro-ushqimor në Tiranë. Ndërkohë, AnaMark, zotëron 85% të kapitalit tek një tjetër biznes i Allajbeut, “Equos Resort” në Mullet. Sipas raportimeve në disa media, administratori Asllan Fetiu është edhe shoferi i Allajbeut

Si ndodhi ngjarja?

Sipas burimeve policore, autori i dyshuar hyri në lokal duke kërkuar me emër një person me të cilin dyshohet se ka konflikte të vjetra, dhe pasi i thanë se nuk ndodhej aty, 37-vjeçari nisi të shajë klientët dhe t’i ngre zërin personelit të lokalit. I moshuari, gjithashtu klient i rastësisht në lokal, ka ndërhyrë për të shuar situatën, por autori iu përgjigj duke e goditur me thikë.  85-vjeçari ndodhet në spital pasi mori një goditje me thikë në bark. Pas plagosjes, autori i dyshuar, Asllan Fetiu u largua menjëherë, dhe ende nuk është kapur.

Asllan Fetiu raportohet se ka një lokal të tijin përball bar kafesë ku ndodhi ngjarja. Raportohet se Allan Fetiu kërkonte një person të quajtur Fatjon Azizolli një person me precedent të mëparshëm penal, por nuk dihet për çfarë motivi. Policia ka marrë edhe kamerat e sigurisë të biznesit dhe bizneseve përreth.

 

 

Kliko këtu për të lexuar dokumentin që tregon se AnaMark administrohet nga Asllan Fetiu

Dokumenti i vitit 2023 ku tregon se Allajbeu i kalon administrimin e AnaMark, Asllan Fetiut

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Galdini: Rama me parullën e Trump në 2016, ‘Do thaj kënetën’! Valteri: Berisha largoi të djathtët, me Metën rezultat më të dobët! Kthupi: Opozita do riformatohet pas 11 majit

Galdini: Rama me parullën e Trump në 2016, ‘Do thaj kënetën’! Valteri: Berisha largoi të djathtët, me Metën rezultat më të dobët! Kthupi: Opozita do riformatohet pas 11 majit

26 Mars, 22:59