POP 5

Lajmet më të lexuara të 5 minutave të fundit

Kronikë

EMRI/ 26 vjeçari kapet në shtëpinë e tij në Durrës! Në Itali njihej si 'kumbari' mes mafias kalabreze dhe napolitane

26-vjeçari Kevin Kurti në kërkim për trafik droge nga Italia është arrestuar në Durrës. Ai akuzohet nga autoritetet italiane si bashkëpunëtor për trafikim të lëndëve narkotike dhe ndaj tij është vendosur masa e sigurisë “Arrest në burg”.

DURRËS- 26-vjeçari Kevin Kurti në kërkim për trafik droge nga Italia është arrestuar në Durrës ditën e sotme, 6 shkurt. Ai akuzohet nga autoritetet italiane si bashkëpunëtor për trafikim të lëndëve narkotike dhe ndaj tij është vendosur masa e sigurisë “Arrest në burg”.

Sipas medieve italiane i riu është lokalizuar në shtëpinë e tij në Durrës dhe gjatë arrestimit nuk ka bërë rezistencë. Nga mediet italiane i riu përshkruhet si ndërmjetës i kokave të trafikut të drogës, konkretisht si “arkitekti” i marrëveshjes mes grupeve kriminale të Napolit dhe Kalabrisë.

Pas arrestimit do nisin procedurat për ekstradimin e tij në shtetin fqinj. Ndaj 26-vjeçarit rëndon akuza “Trafikimi i lëndëve narkotike”, kryer në bashkëpunim.

“Gjatë operacionit, në Durrës, u lokalizua, u kap dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar K. K., 26 vjeç.

Autoritetet në Itali i kanë caktuar 26-vjeçarit, masën e sigurisë “Arrest në burg”, për veprën penale “Trafikimi i lëndëve narkotike”, kryer në bashkëpunim, sipas përcaktimeve të Kodit Penal të Italisë”, njoftoi sot policia.

Rendit zhvillimet sipas orarit:
Ora 15:35
U iku nga 'duart' karabinierëve në Itali po u kap në Shqipëri, del emri i 26-vjeçarit! Ndërmjetës i trafikut të kokainës, lidhja me 'kokat' e drogës napolitane e kalabreze

1707230240_7489fcbad40149b934249c6c535315411.jpg

Kevin Kurti 26-vjeç është emri i të arrestuarit sot në Durrës që ishte shpallur në kërkim nga Italia për trafik droge.

Sipas medieve italiane i riu është gjetur nga policia shqiptare në shtëpinë e tij në Durrës.

Më herët në nëntor 2022 - u bë i mundur arrestimi i Bruno Carbone, bashkëpunëtor i trafikantit më të njohur të drogës në Duba, Raffaele Imperiale.

Ndërsa sot përfundon arratisja e Kurtit. Ky i fundit konsiderohet si një trafikant i rëndësishëm kokaine por edhe ndërmjetës i trafikut të drogës.

 26-vjeçari konsiderohet “kumbari” rreth të cilit u rrotullua marrëveshja midis Simone Bartiromo - një element kryesor i organizatës dhe Sebastiano Romeo, një "furnizues" kalabrez kokaine të bardhë.

Gjatë arrestimit shqiptari nuk bëri rezistencë. Tani ai ndodhet në një burg shqiptar, në pritje të ekstradimit.

B.K/Shqiptarja.com

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Serbia ia refuzon Sveçlës kërkesën për vizitë në Luginë

Serbia ia refuzon Sveçlës kërkesën për vizitë në Luginë

25 Dhjetor, 13:52