POP 5

Lajmet më të lexuara të 5 minutave të fundit

Kronikë

Grabiti postën në Kamëz, autori kërcënon sërish policinë në momentin e arrestimit: Largohuni ose do ju qëlloj! Policia i vë prangat! I gjetën lekët e grabitura (VIDEO)

Arratia e Elis Suçi, autor i grabitjes së postës në Kamëz, zgjati shumë pak. 30-vjeçari është arrestuar mesditën e sotme, teksa i janë gjetur edhe 1 mln lekët e vjedhura në postë si edhe pistoleta, të cilat u sekuestruan nga Policia në cilësinë e provës materiale.

TIRANË- Arratia e Elis Suçi, autor i grabitjes së postës në Kamëz, zgjati shumë pak. 30-vjeçari është arrestuar mesditën e sotme, teksa i janë gjetur edhe 1 mln lekët e vjedhura në postë si edhe pistoleta, të cilat u sekuestruan nga Policia në cilësinë e provës materiale. 

Gazetari i Report Tv, Sokol Dema raporton se Suçi sërish i ka drejtuar armën forcave të policisë gjatë operacionit për arrestimin e tij, njëlloj si në datën 3 mars kur u tentua arrestimi i tij. Burime nga policia bëjnë me dije se ai u ka kërkuar forcave të Operacionales dhe RENEA-s të largohen, pavarësisht se arma nuk i është gjetur me fishek në gojë. 30-vjeçari është neutralizuar vetëm me ndërhyrjen nga pas të një efektivi civil, i cila ka mundur ta shtrijë në tokë dhe t'i marrë pistoletën. Në deklarimet e tij para hetuesve ai është shprehur se nuk kishte ndërmend që të dorëzohej.

Së bashku me të, për grabitjen e postës në pranga ra edhe Algert Kurti 20-vjeç. Ky i fundit ka mohuar që të ketë marrë pjesë në grabitjen e 1 mln lekëve. Në dëshminë që ka dhënë më herët se ka pasur në dijeni për grabitjen që do të bënte Suçi, por nuk ka qenë bashkëpunëtor, teksa shtoi se nuk e ka takuar 30-vjeçarin pas grabitjes.

Report Tv ka solli  foton e Elis Suçit, pas grabitjes ku Suçi u shfaq me maskë anti-COVID dhe me një kapele në kokë.

Elis Suçi pas grabitjes së postës në Kamëz

B.K./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08