FUSHE KRUJE - Forcat operacionale speciale arrestuan sot (2 nëntor) Elmir Tufën, i cili ishte shpallur në kërkim si bashkëpunëtor në vrasjen me paramendim të biznesmenit Shkëlzen Kastrati, ngjarje e ndodhur në 1 shkurt të vitit 2021, në fshatin Sheq në Fier.
31 vjeçari ishte në kërkim prej më shumë se dy vitesh pasi gjykata e Fierit i kishte caktuar masën e sigurisë "arrest me burg". Ai akuzohet se është autori i ekzekutimit brenda makinës të biznesmenit 42 vjeçar.
Mësohet se forcat operacionale kanë pasur informacion se i riu në kërkim po lëvizte në aksin rrugor Fushë Krujë-Vorë dhe kanë ndërhyrë për arrestimin e tij. Policia publikoi pamjet e momentit të arrestimit të Elmir Tufës, teksa forcat speciale e shtrijnë në tokë dhe i vendosin prangat
"Ky shtetas ishte shpallur në kërkim pasi Gjykata e Shkallës së Parë të Juridiksionit të Përgjithshëm Fier, i ka caktuar masën e sigurisë "Arrest në burg", për veprën penale "Vrasje me paramendim", pasi ka vrarë me armë zjarri shtetasin Sh. K" informoi sot policia e Tiranës.
Operacioni u kodua 'Lokalizimi'
Për arrestimin e Tufës, ka reaguar edhe ministri i Brendshëm, Taulant Balla i cili përgëzoi forcat operacionale por shtoi se ka ende ngjarje të pazbardhura që nuk mund të harrohen nëse autorët nuk përballen me drejtësinë.
Ndërkohë, i arrestuar për vrasjen e Shkëlzen Kastratit është Albert Zaja i cili u kap në 21 mars të vitit 2021 teksa përpiqej të arratisej nga forcat “RENEA” në Fushë-Krujë. Ndërkohë, në kërkim për ngjarjen janë Elson Xhecuka e Silvio alias Roland Cara, të cilët dyshohen se janë pjesë e një grupi vrasësish me pagesë.
Si ndodhi atentati?
Paraditen e 1 shkurtit 2021 biznesmeni Shkëlzen Kastrati po lëvizte me mjetin e tij tip Benz në fshatin Sheq të Fierit, - ku kishte dhe lokalin e tij - kur u qëllua me breshëri kallashnikovi nga brenda një fuoristrade Range Rover. Kastrati ka ecur edhe disa metra me makinë duke u përplasur me një makinë tjetër që po kalonte aty.
I arrestuari i parë për këtë atentat është Albert Zaja, i cili u prangos nga RENEA më 21 mars 2021 në fshatin Larushk të Fushë-Krujës. Në listën e policisë si autor i ngjarjes përveç Albert Zajës që mohoi akuzën, ishte edhe Elmir Tufa, i cili u kap në Fushë-Krujë sot më 2 nëntor. Dy të dyshuarit si bashkëpunëtorë në krim, Elson Xhecuka 29 vjeç dhe Silvio alias Roland Cara 41 vjeç, janë ende në arrati. Ata dyshohen se janë pjesë e një grupi vrasësish me pagesë.
Dy plumbat, një në krah dhe një në kokë i morën jetën biznesmenit Kastrati. Hetimet u përqendruan tek hakmarrja, pasi 5 vite më parë është tentuar të vritet në atentat, vëllai i tij, Klemend Kastrati. Nga ajo ngjarje humbi jetën Denis Kasaj nga Vlora, kurse Klemendi u plagos. Tentativa e eliminimit të tij u konsiderua për hakmarrje pasi nga hetimet e kryera në atë kohë ka rezultuar se Klemend Kastrati ishte i implikuar në një plagosje të vitit 2008, për shkak të një konflikti për makina, por ai u dyshua dhe për një vrasje të ndodhur në vitin 2012.
Elmir Tufa, momenti i arrestimit të tij dhe Shkëlzen Kastrati
Ministri i Brendshëm, Taulant Balla ka reaguar pas arrestimit të Elmir Tufës në Fushë-Krujë. Balla përgëzoi forcat operacionale për aksionin e sukseshshëm ndërsa theksoi se vrasjet e vjetra nuk mund të harrohen nëse autorët nuk përballen me drejtësinë.
“Një tjetër person me rrezikshmëri të lartë, i shpallur në kërkim për vrasje, u ndalua sot nga Forca Operacionale e Drejtorisë së Policisë Tiranë. Nuk duhet të harrojmë se kemi ende shumë persona në kërkim, ngjarje të rënda pa autor, e vrasje të vjetra që nuk mund të harrohen nëse autorët nuk përballen me drejtësinë. Përgëzime për sot”- shkruan Balla.
Ky është momenti kur arrestohet Elmir Tufa i akuzuari për vrasjen e Shkëlzen Kastratit në vitin 2021, ditën e sotme nga forcat e Policisë Operacionale në Fushë-Krujë. Në videon e policisë Kastrati shihet i shtrirë përtokë kur i vendosen prangat.
Njoftimi i policisë
Falë inteligjencës policore, Komisariati i Policisë Krujë në bashkëpunim me shërbimet e Sektorit të Forcës së Posaçme të Operacioneve Speciale dhe Kërkimin në DVP Tiranë, lokalizojnë, kapin dhe vënë në pranga një shtetas të shumëkërkuar, me rrezikshmëri të lartë shoqërore.
I shpallur në kërkim për vrasje, kapet dhe vihet në pranga 31-vjeçari.
Shërbimet e Komisariatit të Policisë Krujë në bashkëpunim me ato të Sektorit të Forcës së Posaçme të Operacioneve Speciale dhe Kërkimin, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetasi të shumëkërkuar nga Policia, organizuan dhe finalizuan operacionin policor të koduar "Lokalizimi".
Si rezultat i këtij operacioni, në aksin rrugor Fushë Krujë-Vorë, ditën e sotme, është lokalizuar, kapur dhe vënë në pranga shtetasi E. T., 31 vjeç, banues në Tiranë.
Ky shtetas ishte shpallur në kërkim pasi Gjykata e Shkallës së Parë të Juridiksionit të Përgjithshëm Fier, i ka caktuar masën e sigurisë "Arrest në burg", për veprën penale "Vrasje me paramendim", pasi ka vrarë me armë zjarri shtetasin Sh. K.
Ky është Elmir Tufa, i cili u arrestua nga policia sot në Fushë-Krujë pasi ishte shpallur në kërkim prej 2 vitesh si bashkëpunëtor në vrasjen e biznesmenit Shkëlzen Kastrati.
Forcat operacionale, kishin marrë informacion se Tufa ishte duke lëvizur rreth zonës dhe kanë ndërhyrë në moment duke e arrestuar.
Komente
Lajme të tjera
-
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Krujë/ U denoncua i zhdukur nga familjarët, gjendet pas 23 ditësh pa jetë 57-vjeçari Edmond Veseli
22 Dhjetor, 16:08
-
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Nata e ndërrimit të viteve në Durrës, bullgarët e polakët kryesojnë rezervimet në hotele! Operatori turistik: Çmimet u rritën me 10%
21 Dhjetor, 11:37
-
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Vranë babanë dhe e groposën në kasolle, Prokuroria e Durrësit mbyll hetimet dhe dërgon për gjykim dosjen për 3 fëmijët
20 Dhjetor, 15:42
-
Emigrantët kthehen në shtëpi për festa, nisin lundrimet e dyfishta të trageteve! Kapiteni i Portit të Durrësit: Rreth 6 mijë pasagjerë çdo ditë, 10 % më shumë se vjet
19 Dhjetor, 14:17
-
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
Po pse o lumadh pse.....jane shume 35
PërgjigjuShum shpejt do behet pentito do tregoj edhe ngjarje te tjera...
PërgjigjuNjerzit qe vrasin per lek nuk duhet te shohin me driten e diellit . Jan krijesat me te poshtra . Sidomos keto cunat e ri qe vrasin per lek ca do presesh nga keto
PërgjigjuKeta duhen ekzekutuar gjate aksionit se e kane bere trend tani qe pendohen. Duhen vrare si qente qe te zene mend shoket e tyre. Qenie te peshtira.
Kalbeni ne burg ... ku ta ken
Përgjigju