POP 5

Lajmet më të lexuara të 5 minutave të fundit

Ekonomi

Në krye të Tatimeve VIP M.Kalia
Vilma Rakipi tek tatimet e Tiranës

Bashkëshorja e ish-kryeprokurorit Arben Rakipi, vendoset të drejtojë drejtorinë e Tatimeve Tiranës, ndërsa në Njësinë e Tatimpaguesve të Mëdhenj (drejtoria e ashtuquajtur e VIP-ave), është caktuar Mimoza Kalia.
Në krye të Tatimeve VIP M.Kalia<br />Vilma Rakipi tek tatimet e Tiranës
TIRANË - Drejtoresha e re e përgjithshme e administratës Tatimore në vend duket se preferon që postet kyç të drejtohen nga femrat. Kështu, Brisida Shehaj ka emëruar dje në dy nga postet më kyçe për grumbullimin e taksave në ekonominë e vendit dy gra, me përvojë pune në tatime apo në jetën akademike.

Sipas burimeve nga Drejtoria e Përgjithshme e Tatimeve, në sektorin më të rëndësishëm të administratës fiskale, Njësinë e Tatimpaguesve të Mëdhenj (drejtoria e ashtuquajtur e VIP-ave), është caktuar dje prej saj Mimoza Kalia, e cila ka qenë deri tani shefe te Drejtoria e Përgjithshme për Procedurat. Asaj i është ngarkuar një ndër misionet më të vështira, ku qeveria pret që të mbledhë pjesën kryesore të të ardhurave buxhetore nga tatimet dhe taksat prej biznesit të madh.

Gjithsej në këtë drejtori janë të regjistruar rreth 850 VIP-a, që kontribuojnë në pjesën më të madhe të të ardhurave në buxhet.

Ndërkohë, në postin e drejtorit të ri të  Tatimeve në drejtorinë e Tiranës, më e madhja në vend dhe më e rëndësishmja pas Njësisë së Tatimpaguesve të Mëdhënj, në administratën fiskale, është emëruar Vilma Rakipi.

Më parë, deri në vitin 2006 ajo ka mbajtur detyrën e përgjegjëses së sektorit, por në administratën tatimore. Më pas, ka punuar si pedagoge në shkollën e Magjistraturës për lëndën e së Drejtës Fiskale.

Vilma Rakipi është bashkëshortja e ish-kryeprokurorit Arben Rakipi.
 
Redaksia online
(e.s/ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Aksident në Korçë/ Makina përplas biçikletën, 1 plagosur

Aksident në Korçë/ Makina përplas biçikletën, 1 plagosur

28 Nëntor, 09:34