POP 5

Lajmet më të lexuara të 5 minutave të fundit

Kultura

‘Në Librari’/ ‘Heronjtë’ e artit, 20 mjeshtrit frymëzues për të rinjtë! ‘Qiriri i Jaseminit’, Evis Vyshka me libër për gratë e vrara! Një roman si ëndërr, nga fituesi i çmimit Europian Mifsud

Rubrika “Në Librari” përgatitur nga gazetarja Anila Dedaj vjen këtë fundjavë me tre tituj të rinj

Titulli: “20 mjeshtrit e hershëm shqiptarë””

Autore: Suzana Varvarica Kuka

Shtëpia Botuese: “Mediaprint”

Çmimi: 750 lekë

Shqipëria ka heronj të artit, që mund të inspirojnë fëmijët dhe të rinjtë. Studiuesja Suzana Varvarica prezanton përmes një gjuhe të thjeshtë librin e dytë të kolanës “Mjeshtrit e hershëm shqiptarë”, me 20 emra të njohur, pjesë e historisë së artit vendas të fillimit dhe mesit të shekullit XX. Piktorë, grafiksitë, skulptorë,  artistë të pllakatit, disa të shkolluar jashtë, të tjerë që fituan zanatin nga të parët  e tyre apo audodidaktë, si ia dolën këta krijues të linin gjurmë me veprat e tyre. Autorja njeh të rinjtë me profilin, veprën, sfondin historik e shoqëror ku këta mjeshtra u rritën e u formuan.

Titulli: “Qiriri i Jaseminit””

Autore: Evis Vyshka

Shtëpia Botuese: “Toena”

Çmimi: 1200 lekë

Një histori dashurie e trazuar, ku Andit i duhet të mbrojë në gjyq, mikun e tij të ngushtë Tonin, që është edhe vrasësi i gruas që dashuronte. Evis Vyshka debuton si autore me librin “Qiriri i Jaseminit”, që i bie kambanës së alarmit për të drejtën e jetës së çdo gruaje, pavarësisht zgjedhjeve të saj. Në rrëfimin e këtij thrilleri psikologjik, ajo mban të ‘mbërthyer’ lexuesin, në ‘labirthin’ që përjeton protagonisti, i cili ka disa ‘borxhe’ miqësie për të shlyer.

Titulli: “Vështromë në errësirën e natës”

Autore: Immanuel Mifsud

Shtëpia Botuese: “OMBRA GVG”

Çmimi: 800 lekë

Fitues i Çmimit Europian të Letërsisë, dhe i një sërë vlerësimesh të tjera, maltezi Immanuel Mifsud vjen kësaj here në shqip me një sprovë letrare. Titulli “Vështromë në errësirën e natës” , i frymëzuar nga një lutje nate malteze, të shpie nga paradhoma e një dialogu ftues lexues-autor, në një rrëfim të mistershëm, mes gjumit e zgjimit, ku gërshetohen ëndrra, ndjesitë dhe realiteti. Romani vjen në shqip nga Elisa Ivanaj.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Serbia shqyrton mundësi për furnizimet me naftë e gaz pas sanksioneve të supozuara amerikane

Serbia shqyrton mundësi për furnizimet me naftë e gaz pas sanksioneve të supozuara amerikane

5 Janar, 20:37