‘Në librari’/ ‘Arsye dhe ndjenjë’, klasiku i Austen, 2 shekuj rezistencë! ‘Rrugët e Ferrit’ të Zhitit, tani në italisht! ‘Historija e popullit shqiptar’ që shkroi At Margjokaj

Rubrika “Në Librari” vjen këtë fundjavë me tri tituj të rinj.

Titulli: “Arsye dhe ndjenjë”
Autore: Jane Austen
Shtëpia Botuese: “Pegi”
Çmimi: 1200 lekë

Vijon të josh lexuesin, pas 2 shekujsh në qarkullim. Romani ‘Arsye dhe ndjenjë’ i Jane Austen, vjen në shqip me përkthimin e Erdi Ibros. Njëra besnike zemrës së saj, tjetra e përmbajtur, tërësisht të kundërta me njëra tjetrën, dy motrat Mariana dhe Elinora, heroina të romanit janë në kërkim të lumturisë, në një habitat ku statusi dhe paratë i mbivendosen dashurisë...

Titulli: “Rrugët e ferrit -Burgologjia ime për Spaçin dhe më parë”
Autor: Visar Zhiti
Shtëpia Botuese: “Besa Muci”
Çmimi: 20 euro

Libri i shkrimtarit Visar Zhiti, “Rrugët e ferrit -Burgologjia ime për Spaçin dhe më parë” është përkthyer në italisht nga studiuesi Matteo Mandala. Në të shpaloset dëshmia e tragjedisë së jetuar në diktaturë nga vetë autori, por edhe të tjerë bashkëvuajtës, kundërshtarë të sistemit, disidentë a martirë. Nga arrestimi për hermetizëm në poezi, lexuesi përjeton përmes kujtimeve dhe emocioneve të vetë autorit, mizorinë me të cilin u përballën të dënuarit politikë pas hekurave të një prej burgjeve më të egër të komunizmit në vend.

Titulli: “Historija e popullit shqiptar”
Autor: At Paulin Margjokaj
Shtëpia Botuese: “Botime Françeskane”
Çmimi: 1500 lekë

48 vjet pas ndarjes nga jeta të autorit françeskan të Diasporës, studiuesi Edmond Malaj sjell nga gjermanishtja në shqip librin “Historija e popullit shqiptar” të shkruar nga At Paulin Margjokaj. Dorëshkrimin e la pas duke shpjeguar vetë edhe qëllimin e tij, “për me sjellë shekujt e harruem të ktij populli të vogël te lexuesi i mesëm i cili nuk ka kohë për studimin e historisë së Shqipnisë së vogël".

/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mirditori(i Liris): 17/09/2023 19:04

    Nuk e keni për detyrë të më sqaroni për mos pasqyrimin emendimit tim,por unë nuk ofendoj e vërteta është që ju mesa shohë jeni të anshëm në pasqyrim.Shqipëria nuk është zhvilluar nga nberëz që në një kohë kan shkelur ligjet e atij shteti dhejandënuar,po nekemi dhe SH.MUSARAJ,F.GJATA,A.BUDË,etj.

    Përgjigju
  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Euro 24/ ‘Për pak sa s’më ndaloi zemra kur u bë goli’ tifozët shqiptarë flasin për Report tv pas ndeshjes me Italinë: S’kemi pse dorëzohemi

Euro 24/ ‘Për pak sa s’më ndaloi zemra kur u bë goli’ tifozët shqiptarë flasin për Report tv pas ndeshjes me Italinë: S’kemi pse dorëzohemi