POP 5

Lajmet më të lexuara të 5 minutave të fundit

Kultura

‘Në librari’/ ‘Ata ishin (mbetën) dy, dedikimi i Tufës për prindërit! ‘Bestseller-i’ i Patchett që lexon Meryl Streep! 'Mbi dashurinë dhe harresën' nga Ruçi

Rubrika “Në Librari”  vjen këtë fundjavë me tri tituj të rinj.

Titulli: “Ata ishin (mbetën) dy”
Autor: Alban Tufa
Shtëpia Botuese: “Toena”
Çmimi: 800 lekë

Poezia “Ata ishin (mbetën) dy” e Alban Tufës nga merr titullin edhe libri i tij është një dedikim për prindërit e familjen. Të tjerat organizohen në cikle poetike, me tema apo atmosferë të ngjashme, ku autori përsiatet në ëndrra, ndjesitë e dashurisë, vetmisë e ikjes si dhe vendlindjes. Qendra e Librit e shpalli vëllimin si një nga titujt fitues të Fondit të Krijimtarisë Letrare për të rinj për ‘origjinalitetin e thellësinë e vargut’ ndërsa shkrimtari ndalet tek poezia e parë, nga nis gjithçka.

Titulli: “Liqeni Tom”
Autore: Ann Patchett
Shtëpia Botuese: “OMBRA GVG”
Çmimi: 1300 lekë

Gjatë izolimit pandemik, Lara Nelson u tregon vajzave të saj për romancën e hershme me një aktor të famshëm. Historia e romanit të Ann Patchett, “Liqeni Tom”, botuar në të gjithë botën në datë 1 gusht të këtij viti, arriti të renditet ndër titujt ‘bestseller’, që në javën e parë. Një rrëfim i cilësuar si meditim letrar, që zbulon ngadalë një dashuri të humbur, me degëzime në përditshmëri, komunikimin në familje, por edhe në situata befasuse. Aktorja Meryl Streep, ka huazuar zërin e saj për versionin ‘audio’ të librit.

Titulli: “Mbi dashurinë dhe harresën”
Autor: Enea Ruçi
Shtëpia Botuese: “Fishta”
Çmimi: 800 lekë

Në novelën e parë “Diej të largët” të diptikut “Mbi dashurinë dhe harresën” me autor Enea Ruçin, protagonisti gjendet në udhëkryq; nëse do të duhet të ndjek profesionin apo talentin letrar. Vihet në pikëpyetje vlefshmëria e diplomave të gjeneratës së re, palumturia që sjell lehtësia me të cilën zgjidhet dhe ndiqet një degë universitare kur vjen koha për të ushtruar profesionin. Në këtë rast, heroit i duhet të zgjedhë, nëse do të vijojë një jetë që i shkakton mospërmushje shpirtërore, e ‘t’i nënshtrohet zanatit’, qoftë edhe për të mos shkaktuar ‘krisje’ në historinë e tij të dashurisë, apo t’i qëndrojë besnik ëndrrave të tij.

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça