POP 5

Lajmet më të lexuara të 5 minutave të fundit

Kultura

‘Në Librari’/ ‘Eposi dhe krahina e Mërturit’ nga Red Radoja! ‘Italiania’, historia e luftëtares së parë grua nga Kalabria! Ester Gjika: Amaneti i babait Viktor Gjika i përmbushur

Rubrika “Në Librari” vjen këtë fundjavë me tre tituj të rinj.

Titulli: “Një këngë kreshnikësh shqiptarë – Krahina e Mërturit””

Autor: Red Radoja

Shtëpia Botuese: “Fortin Armiane, Paris”

Çmimi: 12 Euro

Muzikanti Red Radoja ka prezantuar librin e tij dygjuhësh “Një këngë kreshnikësh shqiptarë”, që përfshin kërkime në terren në trojet shqiptare dhe referenca bibliografike si pjesë e punës së tij etnomuzikologjike. Takimi në një kthesë të Kamzës, në vitin 2007 me lahutarin Ded Sokol Vukaj, në atë kohë 83-vjeç, ngacmon më tej interesin e tij edhe përmes  këngës “Kulla t’mira Krajli po ban”  të Krahinës së Mërturit, prej nga ishte dhe lahutari. Muzikanti shpjegon ritë e studimit të tij analitik, dhe më tej tregon për Eposin e Kreshnikëve si një traditë të lashtë, që ndonëse ende “e gjallë” është në rrezik.

Titulli: “Film pas filmi, unë e “bija e””

Autore: Ester Gjika

Shtëpia Botuese: “Toena”

Çmimi: 1200 lekë

Ester, e bija e një prej regjisorëve më të rëndësishëm të kinematografisë sonë, Viktor Gjikës, sjell për dashamirësit e filmit shqiptar librin “Film pas filmi”. Në të si një vëzhguese e mprehtë, ajo përshkruan çka ndodh në shesh xhirim dhe jashtë tij me filmat e të atit; Nga “Nëntori i dytë” te “Gjeneral gramafoni”, përjetimet dhe vështirësitë për çdo produksion apo lidhjen miqësore që krijohet mes saj dhe artistëve. Ky rrëfim për të është një përmbushje e dëshirës së të atit kineast, që rigoroz në ruajtjen e aspektit personal, para ndarjes nga jeta 15 vjet më parë, kërkoi që publiku i tij të njihej edhe me mbështetjen e tij të fortë, familjen.

Titulli: “Italiania”

Autor: Giuseppe Catozzella

Shtëpia Botuese: “Dudaj”

Çmimi: 1200 lekë

Libri “Italiania” i shkrimtarit Giuseppe Catozzella, fitues i çmimit “Strega” bazohet në një histori të vërtetë, atë të Maria Oliverios, apo luftëtares së parë grua italiane. I sjellë në shqip nga Agim Doksani ky libër rrëfen varfërinë, dramën e konfliktet një familje, dashurinë mes saj e Pietros, guximin dhe dëshirën për liri, që e bëri heroinën e Catozzellas të rebelohej kundër padrejtësive duke u bërë edhe e para grua që udhëhoqi një grup luftëtarësh kundër represionit të ushtrisë mbretërore.

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Serbia shqyrton mundësi për furnizimet me naftë e gaz pas sanksioneve të supozuara amerikane

Serbia shqyrton mundësi për furnizimet me naftë e gaz pas sanksioneve të supozuara amerikane

5 Janar, 20:37