POP 5

Lajmet më të lexuara të 5 minutave të fundit

Kultura

Në librari/ ‘Fara e Revoltës’, si u paralajmërua në ’95-ën për firmat piramidale! Ndarja e kufijve të Shqipërisë, dorëshkrimet e kolonelit Ordioni! ‘Kombi Shqiptar’ i Priftit

Rubrika “Në Librari” përgatitur nga gazetarja Anila Dedaj vjen këtë fundjavë me tri tituj të rinj.

Titulli: “Një officer francez në Ballkan”

Autor: Andre Ordioni

Shtëpia Botuese: “Papirus”

Çmimi: 1500 lekë

Koloneli francez Andre Ordioni vjen në Ballkan në fund vitin 1917 si komandant i trupave franceze dhe shqiptare në frontin e jugut të liqenit të Ohrit. Në shtator të vitit 1918 ai drejton ushtrinë e Manastirit, ndërsa nisur nga prilli i ’23-shit, përfaqëson Francën në komisionin e ndarjes së kufijve të vendit tonë. Për 8 vjet të jetuara në këto hapësira ai lë pas shkrime me vlerë të cilat i transkripton e boton nipi i tij, pasi i vlerëson me dobi për shqiptarët. Vëllimi i parë i librit “Një oficer francez në Ballkan” sjell fakte të panjohura nga Lufta, paslufta, të dhëna për ndarjen e kufijve të Shqipërisë, përshkrime të vendit e shqiptarëve të cilët i quan si “miqtë e tij”.  Libri është përkthyer nga Tomi Nakuçi, Luan Rama dhe Lorena Dedja.

Titulli: “Fara e Revoltës”

Autor: Sherif Bundo

Shtëpia Botuese: “Mediaprint”

Çmimi: 1000 lekë

Një grup profesorësh të Fakultetit të Ekonomisë largohen nga puna në vitin 1995. Kishin organizuar një konferencë ku ngritën zërin për probleme që rrezikonin në atë kohë shoqërinë shqiptare dhe ekonominë vendase përfshirë fenomenin e kobshëm të firmave piramidale. Ngjarja vjen e rrëfyer nga një prej protagonistëve, Sherif Bundon, në romanin “Fara e Revoltës”.

Titulli: “Kombi shqiptar- Univers historik dhe fetar”

Autor: Pirro Prifti

Shtëpia Botuese: “Jozef”

Çmimi: 1800 lekë

Kritika, analiza, reflektime, vëllimi i gjashtë i publicistikës “Kombi shqiptar, Univers Historik dhe Fetar” sjell për lexuesin shkrime të autorit Pirro Prifti të botuara përgjatë viteve të fundit. Në to vihen në qendër personazhe kyçe të politikës, fesë, rajoni dhe bota në raport me veten dhe Shqipërinë, personalitete të botës akademike dhe personalitete të letërsisë, e natyrisht çështjet e mjekësisë

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Augustin Palokaj: BE-ja vazhdon të improvizojë me Kosovën

Augustin Palokaj: BE-ja vazhdon të improvizojë me Kosovën

13 Janar, 17:35 nga Augustin Palokaj