POP 5

Lajmet më të lexuara të 5 minutave të fundit

Kultura

'Në Librari'/ Kryevepra e nobelistit Pirandelo vjen e plotë në shqip! ‘Psikologji shqiptare’, problemet e shoqërisë në një botim! Libri 'vjershok' i Çupit

Rubrika 'Në Librari' vjen këtë fundjavë me tri tituj të rinj. 

Titulli: “6 personazhe në kërkim të autorit”

Autor: Luigi Pirandello

Shtëpia botuese: “BardBooks”

Çmimi: 5 euro

Është vepra që ka karakterizuar më së shumti teatrin e Luigi Pirandello-s. “6 personazhe në kërkim të autorit” e nobelistit italian vjen në shqip me qasjen e Anxhela Lepurit, pas një hulumtimi të thellë të veprës e ligjërimit të përdorur nga përkthyesja. Drama u krijua në vitin 1921 dhe u rishkrua  nga Pirandelo 4 vite më pas, e konsiderohet që për risitë metateatrale, shënoi kthesë në kursin e teatrit.

Titulli: “Psikologji shqiptare”

Autor: Kledi Rama

Shtëpia botuese: “EMAL”

Çmimi: 700 lekë

I apasionuar me shkrimtarinë e leximin që në fëmijëri, Kledi Rama boton librin e tij të parë. Nga emigrimi, tek patriotizmi i mbrapshtë e problematikat më pikante të realitetit shqiptar autori i ri përshkruan thekshëm, përmes ironisë e situatave konkrete aktualitetin. Dëshira për luks, dembelizmi, dashakeqësia e thashethemet karshi tjetrit, deri tek tifozllëku politik, në refleksionet “Psikologji shqiptare” të Ramës çdokush gjen një copëz jete të vetën.

Titulli: “Gjyshja me zemrën prej ketri”

Autor: Rudina Çupi

Shtëpia botuese: “Tupëz”

Çmimi: 4.5 euro

Seria ‘vjershoke’ e Rudina Çupit pasurohet me librin “Gjyshja me zemrën prej ketri”. Shkrimtarja zgjedh një gjyshe shpirtartiste e nipërit e saj, për të rrëfyer në vargje mallin për të afërmit që i kemi larg, ndërsa Enxhi Xhaja, ngacmon imagjinatën e vogëlushëve përmes ilustrimeve.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55