POP 5

Lajmet më të lexuara të 5 minutave të fundit

Kultura

‘Në Librari’/‘Diktatori’, triologjia e jashtëzakonshme e Harris! Autobiografia frymëzuese e Bazzi-t dhe një histori prekëse nga Danielle Steel

Rubrika “Në Librari” vjen këtë fundjavë me tri tituj të rinj.

Titulli: “Diktatori”
Autor: Robert Harris
Shtëpia Botuese: “Papirus”
Çmimi: 1500 lekë

Kritika e cilëson si rrëfimi më jashtëzakonshëm i historisë romake. Romani “Diktatori” përmbyll trilogjinë e Robert Harris, si një paketë letrare, që ka brenda burimet antike dhe njohjen e thellë politike të autorit. Betejat për pushtet dhe dilemat e Ciceronit, pas rikthimit në Romë, ndërsa vëzhgon nga afër vorbullën e korrupsionit në majën e pushtetit, versioni i Harris për ngjarjet që i paraprijnë vrasjes së Cesarit konsiderohet nga më bindësit. Romani sjell sfondin e luftës civile që pasoi rënien e Republikës, betejat, mes të cilave dhe ajo me Pompein dhe Jul Cezarit në Durrës.

Titulli: “Ethet”
Autor: Jonathan Bazzi
Shtëpia Botuese: “Toena”
Çmimi: 1200 lekë

Një 31-vjeçar kaplohet nga temperatura e lartë e një dobësi e tejskajshme fizike, saqë mendon se është fundi. Është vetë autori italian i romanit “Ethet”, Xhonatan Baci, që sjell përballjen e tij me jetën, pas diagnostikim të HIV-AIDS, në një rrëfim ‘pa dorashka’ dhe emocionues. Baci na kthen në zanafillë të historisë së tij, në Rozanon periferike ku është rritur, si shumë të rinj të tjerë sot të njohur Si Fedez apo Mahmood, duke frymëzuar për të gjetur rrugën, të pranosh veten, por edhe të bashkëjetosh me sëmundje të rënda kronike.

Titulli: “Natë e heshtur”
Autore: Danielle Steel
Shtëpia Botuese: “Fan Noli”
Çmimi: 1600 lekë

Mbi 950 milionë kopje librash të shitur, Klodian Briçi sjell në shqip autoren Danielle Stell përmes romanit “Natë e heshtur”. Një histori sa e dhimbshme dhe inspiruese, që e vendos protagonisten, përballë sfidës të të jetuarit në kushte dramatike, pas aksidentit që pëson. Një teze dhe personeli mjekësor që përpiqen të ndihmojnë Emën të gjejë rrugën e saj pas humbjes së të ëmës, historia tregohet me mjeshtri nga autorja, duke e bërë romanin një libër edhe dashurie.

SI.E./A.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kërcënimet nga krimi, a duhet forcuar mbrojtja e prokurorëve e gjyqtarëve?

Lajme të tjera



×

Lajmi i fundit

Bashkia e Tiranës rehabiliton fushat sportive të shkollës ‘Kolë Jakova’

Bashkia e Tiranës rehabiliton fushat sportive të shkollës ‘Kolë Jakova’

3 Tetor, 09:03