POP 5

Lajmet më të lexuara të 5 minutave të fundit

Kultura

‘Në librari’/ ‘Në Shqipëri mbi 250 oficerë të vrarë’, Ahmet Prençi dhe “Brenga e Prokurorit” përballë sistemit të korruptuar! ‘Gratë e Rotshildëve’ dhe ‘Dritëhijet’!

Rubrika “Në Librari” përgatitur nga gazetarja Anila Dedaj vjen këtë fundjavë me tri tituj të rinj.

Rubrika “Në Librari”  vjen këtë fundjavë me tri tituj të rinj.

Titulli: “Brenga e Prokurorit”

Autor: Ahmet Prençi

Shtëpia Botuese: “Mediaprint”

Çmimi: 1200 lekë

Një ngjarje e pazakontë, që ngjet në 44 orë e ka në qendër të rrëfimit protagonistin Martin Guri zbulon gradualisht një sistem drejtësie të kontaminuar nga krimi dhe korrupsioni e bashkë me të “Brengën e Prokurorit”, në rezistencën për të ruajtur idealet edhe kur presionet janë të mëdha. Si një njeri i drejtësisë autori Ahmet Prençi, shkruan i inspiruar nga një realitet i afërt, ku siç thotë, ka ende njerëz të ligjit e rendit që punën e tyre e shikojnë si mision.

Titulli: “Dritëhijet - Fatet”

Autore: Xhoana Jaku

Shtëpia Botuese: “Albas”

Çmimi: 1000 lekë

Me “Dritëhijet”  autorja Xhoana Jaku sjell për lexuesit një histori fantastiko-shkencore të ndarë në katër libra. Vëllimi i parë “Fatet”, fitues i Fondit të Krijimtarisë Letrare për të Rinj  është një gërshetim i imagjinares me realen, ku Jaku, nxit krahas fantazisë, nxit hulumtimin e personazheve e si rrjedhojë edhe të lexuesve në botën e tyre të brendshme, në një ballafaqim mes emocionales e racionales.

Titulli: “Gratë e Rotshildëve”

Autore: Natalie Livingstone

Shtëpia Botuese: “Botart”

Çmimi: 2500 lekë

Shumë prej tyre kapërcyen pengesat e kohës, dhe jo vetëm që ndoqën pasionet për politikën, shkencën e muzikën, por edhe i dokumentuan ato. Të lëna në hije, “Gratë e Rotshildëve”, një prej familjeve hebreje më të pasura në botë, vijnë të rrëfyera nga shkrimtarja angleze Natalie Livingstone. Libri, i sjellë në shqip nga Qemal Shkurti, zbulon se si ato arritën të forconin lidhjet shoqërore të dinastisë së Rotshildëve, dhe të kishin përfaqësuesin e tyre në Parlamentin anglez, kur kjo dukej sa e paimagjinueshme dhe e papranueshme.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Serbia shqyrton mundësi për furnizimet me naftë e gaz pas sanksioneve të supozuara amerikane

Serbia shqyrton mundësi për furnizimet me naftë e gaz pas sanksioneve të supozuara amerikane

5 Janar, 20:37