POP 5

Lajmet më të lexuara të 5 minutave të fundit

Kultura

Në librari/ ‘Rrëfenjat e kafshëve’, një libërth për të gjitha moshat! ‘Banorët e mjegullës’, një realitet si i yni në roman artistik! 'Alo gjyshi', libri special për vogëlushët!

Rubrika “Në Librari” këtë fundjavë me tri tituj të rinj.

Rubrika “Në Librari” këtë fundjavë me tri tituj të rinj.

Titulli: “Rrëfenja të kafshëve të mençura dhe të pacipa”

Përgatiti: Jean-Jacques FDIDA

Shtëpia Botuese: “Papirus”

Çmimi: 2000 lekë

Janë mësime jete që vijnë përmes dialogëve të kafshëve, fabula argëtuese, të mbledhura nga e gjithë bota nga Jean-Jacques FDIDA, e të përkthyera mjeshtërisht nga Edmond Xhabija duke i përshtatur me folkun tonë. “Rrëfenja të Kafshëve të Mençura dhe të Pacipa”, i pasur me ilustrime të kuruara me kujdes, pjesë e koleksionit “Përralla, rrëfenja , urti” është një libërth për t’u mbajtur me vete e rilexuar. Për familjet emigrante, ky koleksion krijon një dritare letrare më shumë për t’u afruar me shqipen.

Titulli: “Banorët e Mjegullës”

Autor: Saimir Lleshi

Shtëpia Botuese: “Mediaprint”

Çmimi: 1000 lekë

Kritikët e kanë krahasuar ‘Banorët e Mjegullës’ të gazetarit Saimir Lleshi me ‘Frymë të vdekura’ të Nikollai Gogol. Për të përshkruar një realitet të zymtë si i yni, ai zgjedh si protagonistë një gazetare, si një vëzhguese të mprehtë, dhe një emigrant sirian të larguar nga vendi i tij për shkak të Luftës. Tek Kolumbria, që personifikon vendin tonë, autori zhbirilon në romanin e tij të parë artistik, aktualitetin, pasojat e diktaturës deri tek ‘autokracia’ e kamufluar nën petkun e demokracisë. Ryshfeti nga radhët më të ulëta deri në majat e hierarkisë, transformimi i dhunshëm i mjedisit, njerëzit që i dorëzohen vendimeve të imponuara me forcë, duke vënë vetëdijen në ‘gjumë’ ose duke ikur...

Titulli: “Alo gjyshi- të flas nga Toka!”

Autore: Cecile Alix

Shtëpia Botuese: “Mediaprint”

Çmimi: 700 lekë

Një roman prekës, sjellë në shqip për vogëlushët me një gjuhë të ngrohtë. ‘Alo gjyshi’ i autores franceze Cecile Alix, përmes përjetimeve të Junit, pas vdekjes së gjyshit, ndihmon prindër e mësues, t’u shpjegojnë fëmijëve nëpërmjet këtij rrëfimi të ndjeshëm letrar, humbjen e njerëzve të afërm.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

VIDEO/ Gol 'in-extremis', PSG mposht 1-0 Monacon dhe fiton Superkupën e Francës

VIDEO/ Gol 'in-extremis', PSG mposht 1-0 Monacon dhe fiton Superkupën e Francës

5 Janar, 20:02